Şaredariya Bajarê Mezin a Amedê, li gor biryara Wezareta Çandinî û Daristanan a ji ber rewşên nexweşiya tebekê ku li seranserê Tirkiyeyê hate dîtin, Bazara Heywanan a Zindî ku hate girtin, derman û dezenfekte kir.
Midûriyeta Karên Tenduristiyê ji bo parastina ewlehiya tenduristiya gel xebatên xwe didomîne. Di çarçoveya xebatan de, li gor biryara Wezareta Çandinî û Daristanan a ji ber bûyerên nexweşiya tebekê (serotîpa SAT-2) ku li seranserê Tirkiyeyê tê dîtin, bazarên heywanan ên li seranserê welêt bi demkî hatin girtin. Şaredariya Bajarê Mezin a Amedê, ji bo ku nexweşî bandorê li ser tenduristiya heywanan û gel neke, tedbîr girt û Bazara Heywanan a Zindî ji kirîna heywanan re girt û tê de xebatên derman û dezenfektekirinê pêk anî.
Midûriyeta Şaxa Bazara Heywanan a Zindî û Selexaneyan, ji 2yê Tîrmehê pê ve biryar da ku demkî dest bi rawestandina xebatên xwe bike û ji bo pêşîlêgirtina belavbûna epîdemiyê û herî zû bi awayekî ewle ji nû ve dest bi çalakiyê bike, xebatan da destpêkirin.
Di vê çarçoveyê de, tesîs hat valakirin û hemî qadên vekirî û girtî yên bazarê, axur, padok û avahiyên îdarî, bi dezenfektanên ku ji hêla wezaretê ve hatine pejirandin, paqijkirin û dezenfektekirina berfireh hat kirin. Bi tedbîrên hîjyenê yên zêde re jî, pêvajoyên dezenfektekirinê dê bi geşûgurî û periyodîk werin dubarekirin heya ku metirsiya epîdemiyê ji holê rabe.
Veterîner Hekîm Hêlîn Demîr, ku di Midûriyeta Karên Tenduristiyê de dixebite, derbarê xebatên ku hatine kirin de agahî da û anî ziman ku nexweşiya tebekê ku di nav gel de weke “tebek” an jî “tabak” tê zanîn, dibe sedema zirarên aborî yên mezin. Demîr diyar kir ku nexweşiya Şapê nexweşiyeke virûsgêr e û wiha got: “Ev virûs nexweşiyeke ku bi rêya pîsî, mîz, rûvî û rêya nefesê derbasî heywanan dibe. Zû belav dibe. Têperîna wê pir zû ye. Ji bo parastina ji vê yekê, rêbaza me ya herî bibandor vakslêdan ango derzîkirin e. Di heman demê de, divê di hundirê û derdora gom û axûran de jî dezenfekte were kirin.”
