Nûnerên SOHRê têkildarî kuştinên li Sûriyê daneyên 24 saetên dawî parve kirin. Li gorî SOHRê li Sûriyeyê di 24 saetên dawî de 11 jê biyanî, bi giştî 19 kes hatin kuştin.
Navenda Çavdêriya Mafên Mirovan a Sûriyeyê (SOHR) têkildarî binpêkirina mafên mirovan a li herêmê rojane raporan amade dike. Li gorî daneyên dawî yên SOHRê ya 24 saetên herî kêm 19 kes li herêmên cuda yên Sûriyeyê hatine kuştin.
Navenda Çavdêriya Mafên Mirovan a Sûriyeyê (SOHR) da zanîn ku li Idlibê di kargeheke çêkirina cebilxaneyê ya komên biyanî (Tirkistan-Ozbek) ên di nava hêzên hikumeta veguhêz a Sûriyeyê de, teqînek çêbû û herî kêm 10 kes hatin kuştin û 9 kes jî birîndar bûn. Li bajarokê Siwêdan ê li rojhilatê Dêrazorê ji ber nakokiyên malbatî yên li ser erdekî şer derket, di encamê de ciwanek hat kuştin. Li gundê Cibrîn ê bajarê Hemayê jî teqînek rû da, di encamê de yek jê zarok, 3 kes hatin kuştin.
SOHRê da zanîn ku li bejahiya Herîbşê yê li başûrê Dêrazorê ji ber teqîna mayîneke bermahiyên şer, ciwanekî jiyana xwe ji dest da. Li Helebê jî jineke ciwan ku beriya mehekê di encama gulebarana bêserûber birîndar bûbû, jiyana xwe ji dest da. Hate zanîn ku li bajarokê Helfaya yê Şamê jî di encama gulebarana bêserûber de ciwanekî din hatiye kuştin.
Li gorî SOHRê, li bajarokê Mehecê yê li bakurê Derayê jî çekdarên nenas derengiya şevê bi ser malekê de girt û ciwanek qetil kir. SOHRê aşkera kir ku li taxa Cebeleyê yê bajarokê Selqîn ê Idlibê jî di êrişa çekdarên nenas de “cîhadîstekî iraqî” hat kuştin.
SOHR: Di 14 salên dawî de 656 hezar û 493 kes hatin kuştin
Li gorî daneyên SOHRê di 14 salên dawî de piştî şerê navxweşî û êrîşên DAIŞê yên li dijî Bakur û Rojhilatê Sûriyê û tevahiya Sûriyeyê de 656 hezar û 493 kes hatin kuştin.
