Ji bo endamê berê yê PMê yê HDPê Dogan Erbaş e ku bi sûcdariya “endamtiya rêxistinê” hatiye girtin, biryara tehliyeyê hatiye dayîn.
Danişîna endamê berê yê Meclisa Partiyê (PM) ê Partiya Demokratîk a Gelan (HDP) Doğan Erbaş bi sûcdariya “endamtiya rêxistinê” hatibû girtin li 14emîn Dadgeha Cezayê Giran a Stenbolê hat. Erbaş ji Girtîgeha Tîpa T ya Sîncanê bi rêya Sîstema Agahiyên Deng û Dîtbarî (SEGBÎS) tevlî danişînê bû. Her wiha parêzerên wî li salona dadgehê amade bûn.
Erbaş li dijî sûcdariyan parastina xwe kir û diyar kir ku ew siyasetmedar e . Erbaş destmîşan kir ku ew ji ber xebatên siyasî hatiye girtin û daxwaza beraeta xwe kir.
Dozger daxwaza domandina girtina girtina Erbaş kir.
Parêzerên Erbaş diyar kirin ku Dadgeha Destûrî (AYM) biryar da ku biryara girtinê ya di vê dozê de neqanûnî ye û hatiye binpêkirin. Parêzeran anîn ziman ku divê girtina wî bi dawî bibe.
Dadgehê biryar da ku Erbaş bi kontrola edlî were berdan û danişîn taloqî 23yê Cotmehê kir.
Ji ber ku cezayê Erbaş ê propagandayê hatiye erê kirin wê cwzayê wî were mehsûpkirin û çend roj şûnde bê berdan.
