Platforma KESKê ya Şirnexê ji bo endamên wan ên bi KHKê ji kar hatine dûrxistin vegerin ser karên xwe daxuyanî da.
Platforma Şaxên KESKê ya Şirnex derbarê sedan endamên xwe yên bi derxistina OHALê re ji kar hatine avêtin li kolana hunerê ya Şirnexê daxuyanî da. Endamên KESK, DÎSK, SESê, karkerên KHKî, rêveberên DEM Partî, DBPê yên navend û navçeyan û rêveberên CHPê yên navendê tevlî daxuyaniyê bûn.
Daxuyanî ji aliyê Hacî Demîr ku 2016an ji kar hatibû avêtin ve hat xwedin. Demîr anî ziman ku ew di pêvajoya avakirina aştî û demokrasî de derbas dibin.
Demîr da zanîn ku ji bo pêşiya aştiyek civakî were vekirin divê kêmasiyên demê borî werin sererastkirin.
Demîr di dawiya axaftina xwe de bi bîr xist ku wan her tim li hember şer aştî, li hember bê edaletiyê edalet parastine û diyar kir ku heya hemû KHKî venegerin ser karê xwe dê berxwedana xwe bidomînin.
Daxuyanî bi çepik û dirûşmeyan bi dawî bû.
