Danişîna doza rojnameger Mehmet Şahîn li Amedê hat dîtin. Doza rojnamger Şahîn ji bo amadekirina mutalaayê hat taloqkirin.
Danişîna 3yemîn a doza rojnameger Mehmet Şahîn ku ji ber daxuyanî û çalakiyan, hevdîtinên bi çavkaniyên nûçeyan û bernameyên TVan der heqê wî de bi îdiaya “endamtiya rêxistinê” doz hatibû vekirin, li 5emîn Dadgeha Cezayên Giran a Amedê hat lidarxistin.
Şahîn tev li danişînê nebû lê parêzerê wî Resûl Tamûr amade bû.
Piştî tespîtkirina nasnameyan, dozger xwest ku ji bo amadekirina mutalaayê dosya ji wan re bê şandin. Parêzer Resûl Temûr jî xwest kêmasiyên di dosyayê de bên temamkirin û dem xwest.
Şandeya dadgehê biryar da ku ji bo doz venemîna dev ji daxwaza guhdarîkirina şahidê nepen “Ulaş” berdane û ji bo amadekirina mutalaayê dosya ji dozgeriyê re bê şandin. Danişîna dozê taloqî 23yê îlonê hate kirin.
