Platforma Têkoşîna Li Dijî Hişbirê Şiyar Be ji bo balê bikşîne ser hişbirê li Parqa Rojava nobedê digire. Di çalakiyê de sînevîzyona li ser hişbirê hat temaşekirin.
Platforma Şiyar Be ji bo balê bikşînin ser hişbir û fihûşê li Parqa Rojava ya navçeya Peyasê ya Amedê 16ê Hezîranê kon vekir. Her roj saziyek cuda nobedariya konê digire û çalakiyên cur bi cur li dar dixe. Endamên Platforma Şiyar Be, saziyên civaki, Hevşaredarê Yenîşehîrê ya Amedê Mehmet Ergun û gelek welatî tev li bûn.
Girseya li li Parqa Rojava ya Peyasê kom bûn, li ber stranên Koma Ma Muzîkê govend gerandin û dest bi nobdê kirin.
‘Em ji gelê xwe alîkariyê dixwazin’
Piştî govendê Hevberdevkê Platforma Şiyar Be Murat Kan axivî û diyar kir ku ew xebat, xebata parastinê ye û wiha axivî: “Divê tevahiya saziyên civakî û demokratîk û gel piştgiriyê bide me. Em ê vê çalakiyê bi hev re bimeşînin. Kesên ku bibêjin ‘Şiyar Be’ divê werin nava me.”
Kan diyar kir ku ew ê 21ê hezîranê ji çarêya Rezanê heta Parqa Koşûyolû bimeşin û nobeda xwe li parqê berdewam bikin.
Paşê endamê Egîtîm Senê Hasan Çitrik axivî. Çitrik dazanîn ku bikaranîna hişbirê pirsgirêkek civakî ye û wiha got: “Bikarkirina hişbirê ne tenê pirsgirêka gelê Amedê ye. Li tevahiya cîhanê ev pirsgirêk heye. Çareserkirina vê pirsgirêkê parastina malbatê û zarokan e.”
‘Divê em pêşiya polîtîkayên qirêj bigirin’
Paşê Hevşaredarê Yenîşehirê Mehmet Ergun axivî û dazanîn ku ger pêşiya xetereya hişbirê negirin dê ciwan gelek tişt winda bikin û wiha axivî: “Divê malbatên me xwedî li zarokên xwe derkevin û pêşiya vê bigirin. Polîtîkayek qirêj li ser gelê me tê meşandin. Divê em ev polîtîkaya qirêj bibînin û pêşiya wê bigirin. Em pêşiya wê negirim em ê winda bikin.”
‘Dixwazin ciwan xwe nas nekin’
Di dawiyê de Hayriye Fîlîz axivî û destnîşan kir ku heta ku ew diçin gundekî bi deh caran li ser wan digerin lê îro ev hişbir heta Stenbolê diçe û wiha pêde çû: “Bihevkariya wan vê yekê dikin. Divê em dayik xwedî li zarokên xwe derkevin. Tevahî malbat divê piştgiriyê bidin vê platformê. Tê xwestin ku ciwan xwe nas neke ji bilî wê çi bike bila bike.”
Piştî axaftinan, stran hatin gotin û sînevîzyona li ser hişbirê hatibû amadekirin, hat temaşekirin.
