1emîn Xelatên Rojnamegeriya Jinan a Gurbetellî Ersoz dest pê dike. Ev pêşbirk ji hêla MKGê ve tê organîzekirin. Dê di 17ê Hezîranê de serlêdanên ji bo pêşbirkê dest pê bike.
Ji hêla Komeleya Rojnamegerên Jin ên Mezopotamyayê (MKG) ve 1emîn Xelatên Rojnamegeriya Jinan a Gurbetellî Ersoz dest pê dike.
Serlêdan dê di 17ê Hezîranê de dest pê bikin û di bangewaziyê MKGê ya ji bo pêşbirkê de wiha hat gotin: “Serlêdanên ‘Xelatên Rojnamegeriya Jinan a Gurbetellî Ersoz’ ji bo rojnamegerên jin ên ku li pey heqîqetê ne û natirsin dibin dengê serdemê dê di 17ê Hezîranê de dest pê bike. Jinên ku têkoşîna xwe li rêzikên nûçeyan neqişandin, li cihê ku pênûsan rastî li xwe pêçan û veguherîn agirê azadiyê, ger ku tu jî bixwazî cih bigirî ev bang ji bo te ye jî.”
Derheqê Gurbetellî Ersoz de
Gurbetellî Ersoz di sala 1965an de li gundê Ziverê navçeya Palu ya Xarpêtê ji dayik bû. Gurbetellî Ersoz ku xwendina xwe ya seretayî li gundê xwe wergirt, dibistana navîn li Edeneyê xwend. Gurbetellî Ersoz ku ji Beşa Kîmyayê ya Zanîngeha Çukurova mezûn bû, mastera xwe di warê “Jîngeh û Enerjiyê” de qedand û wekî alîkara kîmyayê xebitî. Wê di sala 1993yan de li rojnameya Ozgur Gundem dest bi xebata rojnamgeriyê kir û di demek kurt de bû gernîndeya rojnameyê. Ersoz yekem jin e ku Gerînendeya Giştî ya Weşanê ya li Tirkiyeyê kiriye.
Gurbetellî Ersoz di 8ê Cotmeha 1997an de li Başûrê Kurdistanê di şerek qewimî de jiyana xwe ji dest da. Di 7ê Cotmehê de wekî “Roja Rojnamevanên Jin ên Kurd” hate bîranîn û bû remza rojnamevanên jin. Wê bi helwesta xwe ya wêrek di Çapemeniya Azad de pêşengiya medyaya Kurdî kir.
