Şerê li Filistin, Sûrî, Ukrayna û gelek welatên din didome. Ji ber şer her rojê bi dehan mirov têne kuştin. Di 24 saetên dawî de di êrişên Îsraîlê yên li ser Xezayê de herî kêm 50 kes hatin kuştin. Li Sûrî jî di 24 saetên dawî de 4 jê zarok 11 kes hatin kuştin.
Şarê sêyemîn ê cîhanê didome. Her roj bombe têne barandin û mirov têne kuştin. Ji ber êrîşên li ser welatiyan her rojê bi dehan welatî têne kuştin û koçber dibin. Şerê di navbera Filistin Îsraîl, Rûsya Ukrayna û şerê navxweşî yê Sûriyeyê didome.
Çapemeniya filistînî ragihand ku di êrişên Îsraîlê yên 24 saetên dawî de li Xezayê herî kêm 50 kes hatine kuştin. Berdevkê Parastina Sivîl a Xezayê Mehmûd Besel der barê êrişê de agahî dan AFPê û da zanîn ku di bombebarana li ser dibistana Fehmî El Cercawî ya li taxa Diric a Xezayê de bi kêmanî 33 filistînî hatin kuştin. Besel aşkera kir ku piranî jin û zarok bi dehan kes jî birîndar bûne. Artêşa Îsraîlê der barê êrişa li ser dibistanê de ragihand: “Terorîtên mezin li navenda fermandariyê ya Hemas û Cîhad Îslamî ku li devereke berê dibistan bû, çalak bûn, hatin hedefkirin.”
Li Sûrî 11 kes hatin kuştin
Li gorî daneyên Navenda Çavdêriya Mafên Mirovan a Sûriyeyê (SOHR), li Sûriyeyê di 24 saetên dawîn de 11 kes ji ber êriş, bermehiyên şer û bikaranîna çekan hatine kuştin. SOHRê der barê mijarê de ev da zanîn ku li bajarokê Diwêr ê Dêrazorê şivanek di encama teqîna mayînekê de jiyana xwe ji dest da, li bajarê Sibêxanê jî zarokek keçîn bi şaştî ji aliyê birayê ve bi çifteya nêçîrê hat hatin, li bajarokê Celaa yê rojhilatê Dêrazorê ji ber teqîna depoyeke çekan 3 endamên hêzên ewlehiyê yên desthilata Şamê jiyana xwe ji dest da û 4 endam jî birîndar bûn.
Li gorî SOHR’ê, li Cebl Şaîr ê Humsê jî ji ber teqîna bombeyekê zarokekî jiyana xwe ji dest da. Li gundewarê Ceblê yê Laziqiyê jî di êrişa çekdarê nenas de ciwanek hat kuştin. Li taxa Nasira ya bajarê Hesekê komek dizan bi ser malekê de girt û kesek qetil kirin, li heman bajarî di encama teqandina bê serûber a çekdan ciwanek hat kuştin. Hate diyarkirin ku li taxa Someriyê ya Şamê jî ji ber teqandina bê serûber a çekan zarokekî jiyana xwe ji dest da û li gundewarê Minbicê jî dema paqijkirina çekan zarokekî 15 salî bi şaştî hat kuştin.
Bi 355 balafiran êrîşî Ukranyayê kirin
Hêzên Hewayî yên Ûkranyayê ragihandin ku Rûsyayê şeva 19-20ê Gulanê bi 355 balafirên bêmirov û 9 fuzeyan êrîşî Ûkraynayê kiriye. Artêşa Ûkraynayê, diyar kir ku wan 233 balafirên bêmirov û 9 fuze îmha kirine û 55 balafirên bêmirov jî bêbandor kirine.
