Amed – Dayîkên aştiyê têkildarî pêvajoyê li avahiya ÎHDê şaxa Amedê daxuyanî da. Berdevka Meclisa Dayîkên aştiyê ya Amedê Havva Kiran diyar kir ku divê dayîkên leşker û polisan jî piştgirî bidin kesên ku ji bo aştiyê têdikoşin.
Piştî 12ê Gulanê xwefesixkirina Partiya Karkerên Kurdistanê (PKK) li Kurdistan, Tirkiyê û gelek welatên cîhanê nîqaş û piştgiriyên daxuyaniyê tê dayîn. Dayîkên aştiyê jî têkildarî encamnameya kongreya PKKê û rewşên dawî li avahiya Komeleya Mafê Mirovan (ÎHD) a şaxa Amedê daxuyanî da û piştgirî da pêvajoyê.
Daxuyanî aliyê Berdevkê Meclisa Dayîkên Aştiyê ya Amedê Havva Kiran ve hat dayîn.
‘Divê dewlet jî agirbest îlan bikê’
Havva Kiran diyar kir ku ew rojên dîrokî derbas dibin û wiha axivî: “Em li vir kesên ku destê xwe danê di bin kevir de silav dikin. Agirbest yêk alî nabê. Divê dewlet jî agirbest îlan bikê. Operasyonê xwe rawestinê. Em bang dewletê dikin şer bisekinînê. Qada navneteweyî jî divê piştgirî bidê pêvajoyê. Hêj jî aliyê dewletê tu gav nehatiyê avêtin. PKKê kongereya xwe pêk anî lê şer ne hat rawestandin. Em bang dayîkên leşker û polisan dikin ne hûn ne jî em jî bigirin. Ne em ne jî hûn zarokên xwe ji bo mirinê mezin nekirinê. Divê em dest bidin destê hevdû û di nav aştiyê de bijîn. Çawa mafê herkesî heye divê mafê me jî hebê. Mafê zimanê me hebê. Pêşiya pêvajoyê me vekiriyê divê hûn mezin bikin. Dayîkên leşker û polis divê biryar bidin û piştgirî bidin kesên ku ji bo aştiyê têdikoşin. Kes bi destê şerê ser nakevê. Em aştiyê dixwazin. Em êşa herkesi dijîn, aştiyê dixwazin li welatê xwe.
