Wezîrê KarêN Derve yê Amerîkayê Marco Rubîo pêşbînî kir ku rêveberiya HTŞê di nava çend hefteyan de hilweşe û got: “Parçebûna welat ne di nava çend mehan, dibe ku çend hefteyan ji me dûr be.”
Wezîrê KarêN Derve yê Amerîkayê Marco Rubîo di Komîteya Têkiliyên Derve ya Senatoyê de axivî. Rubîo got: “Bi vekirî li Sûriyeyê dema zoriyên hikûmeta demkî rû bi rû tê li ber çavan bigirîn, ber bi hilweşîneke potansiyel, şereke navxwe ya di asta topyekûn de, ji bo parçebûna welat ne tenê çend meh, dibe ku di çend hefte ji me dûr be, digin dest.”
Rubîo anî ziman ku dema li berê bê nêrîn wê bê dîtin ku li tevahiya Sûriyeyê nearamî heye. Rubîo diyar kir ku kiryarên berê yên hikûmeta Demkî hê jî ji aliyê FBIyê ve nehatiye erêkirin û got: “Ketina bi wan re ya di nava têkiliyê de dibe biker be, dibe bêkêr jî be. Eger em nebin, wê teqez bêkêr be.”
Rubîo destnîşan kir ku xeteriya şereke topyekun li welat heye û got: “Ya baş, li Sûriyeyê nasnameyeke netewî heye.” Rubîo anî ziman ku li welat ji Kurdan bigire heta Elewî û digihêje Durziyan heta ku Esad wan li hev nerakiribûna di nava aştiyê de dijiyan û got: “Li welat têkoşîneke bi nebaweriya kûr re tê kirin, ji ber ku Esad bi zanabûn ev kom li hemberî hev radikirin.”
