Amed – Bi pêşengiya MEBYA-DER, DEM Partî û DBPê dê ji damezrînerên PKKê Alî Haydar Kaytan û Riza Altûn dê li Meydana Şêx Seîd a li Amedê werin bibîranîn. Saziyên navborî banga beşdariya bîranînê li gel kirin.
Partiya Karkerên Kurdistanê (PKK) ku di encamnameya xwe ya kongreya 12emîn de eşkere kiribû ku ji pêşeng û damezrînerên wan Alî Haydar Kaytan û Riza Altûn jiyana xwe ji dest dan e. Kaytan di 3yê Tîrmeha 2018an de û Altûn di 25ê Îlona 2019an de jiyana xwe dest dan e.
Piştî şehadeta wan li gelek bajaran bernameyên bîranînê hatin lidarxistin û tên lidarxistin. Sibê jî wê bi pêşengiya DEM Partî, DBP û MEBYA-DERê dê li Meydana Şêx Seîd a Amedê ji bo her du pêşengan bernameya bîranînê were lidarxistin. Rêveberên saziyan banga beşdariya bîranînê li gelê Amedê kirin.
‘Em bang li gelê Kurd dikin bi girseyî werin bîranînê’
Parlamenterê DEM Partiyê yê Şirnexê Zekî Îrmez da zanîn ku Rêberê Gelê Kurd Abdullah Ocalan di 27ê Sibatê de bangek dîrokî kir û wiha axivî: “Piştî banga Rêberê Gelê Kurd Abdullah Ocalan, PKKê kongereya xwe li dar xist. 12ê Gulanê daxuyanî da û encamê danezana kongreya xwe ya 12emîn eşkere kir. Di wê daxuyaniyê de şehadeta du pêşengên doza gelê Kurd rêzdar Alî Haydar Kaytan û Riza Altûn hat eşkerekirin. Li tevahiya Kurdistanê û Tirkiyeyê ji bo her du şehîdan bîranîn tên lidarxistin. Li Amedê jî 18ê Gulanê li Qada Şex Seîd di seat sisêyan de bîranîn dê werê lidarxistin. Her du pêşengên PKK ji bo azadiya gelê Kurd 50 sal in têkoşiyan di dawiyê de canê xwe feda kirin. Pêwist e gelê Kurd û dostên gelê Kurd her du pêşengan ji bîr nekin. Ji bo vê bangawaziya me li gelê me ye ku 18ê Gulanê li Qada Şex Seîd her du pêşengan bi bîr bînin û peywîra xwe bi girseyî pêk bînin.”
‘Em xwedî li rûmet û şehîdên xwe derkevin’
Hevserokê DBPa Amedê Ahmet Dogan jî diyar kir ku her du pêşeng ev 52 sal in hevrêyên Rêberê Gelê Kurd Abdullah Ocalan bûn û got: “Her du pêşeng ji bo gel her tiştî kirin di dawiyê de jî canê xwe dan. Em ê di şexsê her du cangoriyan de tevahiya şêhidan bi bîr bînin. Banga me ji gelê Kurd û Kurdistanê ev e ku xwedî li rûmet û şêhîdên xwe derkevin. Îro em xebatek didin meşandin, tevahiya gelê xwe di 18ê Gulanê de dawetî Qada Şex Seîd dikin.”
‘Divê em Qada Şex Seîd tijê bikin’
Rêvebera MEBYA-DERê Menîce Yenî jî da zanîn ku ew ê di 18ê Gulanê de li Qada Şex Seîd xwedî li pêşengên gelê Kurd derkevin û wiha axivî: “Divê tevahiya gelê me were bîranîna her du pêşengan û xwedî li pêşengên xwe derkeve. Her du pêşeng ji bo gelê Kurd jiyana xwe feda kirin. Hebûn û tunebûna me bi xwedî derketina van şêhidan de dê derkeve holê. Divê em Qada Şex Seîd tijê bikin.”
‘Em xwedî li keda wan derkevin’
Hevseroka DEM Partiyê ya Amedê Gulşen Ozer jî destnîşan kir ku ew ê xwedî li pêşengên xwe derkevin û got: “Em ê di şexse her du hevalan de li tevahiya şêhidên Kurdistanê xwedî derkevin, em bang dikin ku divê gelê Amedê were Qada Şex Seîd û xwedî li ked û têkoşîna hevalan derkeve.”
