Ji bo du kadroyên pêşeng ên PKKê Alî Haydar Kaytan û Riza Altûn dê li dehan bajar û navçeyan bernameyên bîranînê bên lidarxistin.
Ji bo kadroyên pêşeng ên PKKê Alî Haydar Kaytan û Riza Altûn dê li dehan bajar û navçeyên bakurê Kurdistanê û Tirkiyeyê bernameyên bîranînê bên lidarxistin. PKKê, di encamnameya kongreya xwe ya 12emîn de de ragihandibû ku ji kadroyên wan ên pêşeng Alî Haydar Kaytan di 3yê Tîrmeha 2018an de û Riza Altûn jî di 25ê Îlona 2019an de jiyana xwe ji dest dan e.
Dêrsim û Amed
Ji bo Alî Haydar Kaytan û Riza Altûn dê di 17ê Gulanê de li Qada Seyîd Riza ya Dêrsimê û di 18ê Gulanê de jî li Qada Şêx Seîd a Amedê merasîmên bîranînê bên lidarxistin. Her wiha dê li navçeyên Stenbolê jî çalakiyên bîranînê ku dê 4 rojan bidomin bên lidarxistin.
Li gelek bajar û navçeyên herêmên Ege, Marmara, Serhed û Amedê jî dê çalakiyên bîranînê bên lidarxistin.
Dîrokên çalakiyên bîranînê wiha ne:
14ê Gulanê: Îzmîr, Mûgla/Mîlas, Denîzlî, Manîsa, Riha, Colemêrg, Bedlîs, Qers, Agirî, Erzirom, Balikesîr û Bursa
15ê Gulanê: Antalya, Mûgla, Bodrum, Dîlok, Semsûr, Meletî, Mêrdîn, Şirnex, Êlih, Sêrt, Çewlik, Xarpêt, Îdir û Mûş
16ê Gulanê: Wan
17ê Gulanê: Tekîrdag
18ê Gulanê: Çanakkale, Eîrne û Sakarya
