Amed – Welatiyan têkildarî xwefesixkirina PKKê diyar kirin ku PKK û Rêberê Gelê Kurd Abdullah Ocalan her tiştî kirin û gotin: “Divê dewlet êdî mafê Kurdan nas bike û gavên şênber biavêje.”
Rêberê Gelê Kurd Abdullah Ocalan 27ê Sibatê banga “Aştî û Civaka Demokratîk” kir û xwest ku PKKê kongreya xwe bike û xwe fesix bike. Partiya Karkerên Kurdistan (PKK) 1ê Adarê agirbest îlan kir. Dijî biryara PKKê êrîşên dewleta Tirk berdewam kir. PKK 9ê Gulanê daxuyanî da û diyar kir ku di bin êrîş û dorpeçkirina PDKê de navbera di 5 û 7ê Gulanê danezana kongreya xwe ya 12emîn pêk aniye. 12ê Gulanê PKKê encamê danezana kongreya xwe ya 12emîn aşkere kir. Di encama kongreyê de hat gotin ku xebatên li ser navê PKKê bi dawî bûyê û PKKê xwe fesix kiriye. Têkildarî xwefesixkirina PKKê welatiyên Amedê ji Ajansa Welat (AW) re axivîn.
‘Divê dewlet mafê me bide’
Welatiya bi navê Remziye Oluç destnîşan kir ku ew dixwazin aştiyê pêk were û wiha axivî: “Em dixwazin di nav aştiyê bijîn. Êdî bila şer tune be wekî xwişk û biratî bijîn. Divê dewlet di serî de mafê zimanê me û mafê me bide. Ev çend sal e em bindest in. Me gelek zext dît û me gelek berdel da. Divê birêz Abdullah Ocalan bi awayekî azad êdî fikrên xwe bibêje.”
‘Serokê me azad nebe me jî azad nabin’
Welatiyê bi navê Omer Erdogan da zanîn ku çekberdana PKKê gelek balkeş e û wiha got: “Divê herdu alî dilrast bin. PKKê gav avêt divê dewlet gel nexapîne. Gel di nav aştiyê de bijî. Gelê kurd dixwazê ku wekî gelên din wekhev bijî. Çawa ku nasnameya gelên din heye em jî nasnameya xwe dixwazin. EMmperwerdeya zimanê kurdî dixwazin. Ev ne daxwazên zêde ne mafên me ne. Em zor û zordarî kesî nakin. Me ne gotiyê yek milet yek al. Em dibêjin ku di nav aştiyê de wekhev bijîn. Azadiya fizîkî Rêberê Gelê Kurd Abdullah Ocalan pêk were. Serokê me azad nebe me jî azad nabin.”
‘Heta ku Abdullah Ocalan azad nebe aştî jî pêk nayê’
Welatiyên bi navê Harûn Akinci diyar kir ku biryara PKKê berê pêk bihata lê yê ku aştî nedixwazan hebûn û ev tişt anî ziman: “Lê em hêvîdarin ku vê carê aştî çêbibe. Divê dewlet gav biavêje. Girtîgeh vala bibe. Zext û zordariya ser gel êdî biqede. Tevahiya cihanê yê ku nexweş di girtîgehê de namîne lê li Tirkiyeyê hene. Bi sedema aştiyê em hêvî dikin ku tevahî girtî bên berdan. Azadiya Abdullah Ocalan pêk were. Jixwe Abdullah Ocalan azad nebe aştî jî pêk nayê.”
‘Divê êdî mafê gelê kurd were dayîn’
Welatiyên bi Devran Bulut jî diyar kir ku biryara PKKê gelek girîng e û ev tişt got: “Di vê rê de gelek kes canê xwe feda kir. Em kêfxweş in ku êdî kes namire. Yê ku ciwanê in dimirin, tevahî yên me ne. Hêsirên tevahiya dayikan yek reng e. Divê êdî mafê gelê kurd werr dayîn. Îro dayika min tirkî nizane. Dayika min dema ku tê li Îzmîrê balafirgehê gelek zimanên didin anons dikin lê bi kurdî nakin. Dayika min nikare pirsgirêkên xwe bibêje. Ji bona wê divê zimanê kurdî bibe zimanê fermî. Gelek kes berdel dane îro di girtîgehê de ne. Îro em bi keda wan hatine vê astê.”
Divê Birêz Abdullah Ocalan jî azad bibe
Abdulkudus Kaynak jî destnîşan kir ku gelê kurd her dem aştiyê dixwest û wiha got: “Em hêvîdarin ku wê her tişt baş bibe. Êdî bila aştî pêk were. Birêz Abdullah Ocalan ev salen dirêj di girtîgehê de ye. Divê Birêz Abdullah Ocalan jî azad bibe. Azadiya Abdullah Ocalan wê pêvajoyê jî pêş bixe.”
‘Birêz Abdullah Ocalan azad bibe û were nava gelê xwe’
Welatiyê bi navê Siddik Baran jî diyar kir ku ji bo pêvajoyê we gelek kêfxweş in û wiha axivî: “Aştî pêk were wê li welatê mea ramî çêbibe. Şer welatê me dûr bikeve. Divê girtiyên siyasî werin berdan. Birêz Abdullah Ocalan azad bibe û were di nava gelê xwe.”
