Selahattîn Demîrtaş têkildarî biryara PKKê peyamek şand û got: “Em vê pêngava dîrokî bi coş û kelecan pêşwazî dikin.”
Endama Şandeya DEM Partiyê ya Îmraliyê Pervîn li Girtîgeha Edîrneyê serdana Hevserokê Giştî yê HDPê yê berê Selahattîn Demîrtaş kir. Hat zanîn ku serdan di çarçoveya geşedanên siyasî de pêk hatiye.
Buroya Çapemeniyê ya DEM Partiyê ragihand ku Demîrtaş bi rêya Buldan peyamek şandiye.
Peyama Demîrtaş wiha ye:
“Ez silav û hezkirinên xwe ji her kesî re dişînim.
Em hem êş û bîranîna kekê Sirri dijîn û hem jî hêviya gavên ji bo aştiyê tên avêtin.
Bi minasebeta encamnameya kongreya PKKê ez spasiya rêveberiya PKKê ya ku ev biryar girtiye, bi taybetî jî spasiya birêz Ocalan dikim. Ez spasiya Serokomar, birêz Bahçelî, birêz Ozel û rêveberiya Partiya DEM, hemû serokên partiyên siyasî, bi taybetî birêz Ahmet Turk û birêz Pervîn Buldan dikim. Em vê pêngava dîrokî bi coş û kelecan pêşwazî dikin, weke gaveke mezin ku ji bo bîranîna kekê Sirri hatiye avêtin.
Niha dem hatiye ku ji bo pêkanîna aştî, aramî, refah, demokrasî û azadiyan bi hev re û ji dil tevbigerin û Tirkiye di her warî de mezin bibe. Ji bo me hemûyan bi xêr be.
Xebatxweş bin.”
