Ji bo du pêşengên PKKê Alî Haydar Kaytan û Riza Altûn dê li gelek bajaran bernameyên bîranînê bên lidarxistin.
Partiya Karkerên Kurdistan (PKK) di 27ê Mijdarê sala 1978an de li gundê Fîsê yê bi ser navçeya Licê ya Amedê ve hat damezrandin. PKKê îro (12ê Gulanê 2025)
ragihand ku dawî li hemû xebatên xwe tîne û xwe fesix kiriye. Ev biryar jî li ser banga Rêberê PKK-Gelê Kurd Abdullah Ocalan pêk hat. PKKê encamnameya kongreya xwe ya 12emîn eşkere kir û her wiha şehadeta du pêşeng û damezrînerên xwe Alî Haydar Kaytan (Fûat) û Riza Altûn ragihand. Kongreyê diyarî Kaytan û Altûn hat kirin.
Kaytan û Altûn dê di 13, 14 û 15ê Gulanê de li Tuzluçayir a Enqereyê bên bibîranîn. Di 17ê Gulanê de jî dê li Qada Seyîd Riza ya Dêrsimê bîranîn bê lidarxistin.
Di 18ê Gulanê de jî li Qada Şêx Seîd a Amedê bîranîn bê lidarxistin. Tê payin ku li gelek bajaran bernameyên bîranînê bên lidarxistin. Dê malbatên Kaytan û Altûn jî tev li bernameyên bîranînê bibin.
