Platforma Tenduristiyê ya Amedê û Şaxa SESê ya Amedê bi boneya pirsigirêkan nexweşxaneyê û hefteya ewlehî û tenduristiya kar xwestin ku rewşa wan a dijbar bê rastkirin.
Şaxa Sendîkaya Kedkarên Tenduristiyê û Xizmeta Civakî (SES) a Amedê ji bo hefeya ewlehî û tenduristiya kar û pirsigrêkan karkerên tenduristiyê li pêş nexweşxaneya Zarokan daxuyanî dan çapemeniyê. Gelek bijîşk tev li daxuyaniyê bûn. Çalakgeran di çalakiyê de pankarta “Ewlehiya kar ne tercih e mecbûriyê” vekirin.
Nûnerê SESê Serdar Buyukdenîz daxuyanî da û wiha got: “Tevî serdanên me pirsgirêk nayên çareserkirin. Bi wesileya 8-14 Gulanê hefteya Ewlehî û tenduristiya karkeran em dixwazin careke din bînin bîra we. Başkirina şert û mercên xebatê yên ewle mafek e. Li nexweşxaneya me pirsgirêk didomin. Piştî erdhêja Mêreşê rapora nexweşxaneyê ya erdhejê nehat aşkerekirin. Li Amedê nêzî 700 hezar zarok dijîn. Hemû zarok tên li vê nexweşxaneya qels tedawî dibin. Em vê yekê qebûl nakin.”
‘Kar zêde ye karker kêm e’
Serdar Buyukdenîz da zanîn ku kêmasiyên karkerên tenduristiyê heye û wiha axivî: “Em dixwazin ku hejmara karkeran bê zêdekirin û kar bê kêmkirin. Dibê ku di nexweşxaneya me de 536 hemşîre 46 jî ebe hebin. Lê hejmara hemşîre û ebeyan 285 kes in. Em bang li wezareta tenduristiyê rikin. Bang li hemû rayedaran dikin ku bi berpirsyarî û erkên xwe yên qanûnî bi cih bînin û guh bidin dengê xebatkarên tenduristiyê.”
Daxuyanî bi sloganên”Bijî Berxwedana Karkerên” dawî bû
