Meclisa bajarê Til Temirê 14 malbatên koçber ên ji kantona Efrîn-Şehbayê ya dagirkirî pêşwazî kirin. Li Holê jî piştgiriya koçberan didome.
Meclisê li gundê Til Balûa yê Asuriyan ê li bakurê bajar, malên ku ji ber êrişên çeteyên DAIŞê di 2015an de vala bûbûn, careke din amade dike, ceyranê dikişînê û koçberan lê bi cih dike. Yekîneyen ji Yekitiya Bijîşkan a Kantona Cizîrê li tenduristiya zarokan û kesên bitemen dinêre û dermanan pêşkêşî nexweşan dike.
Li Holê jî destekkirina koçberan didome
Ji bo destekkirinê konê komkirina alîkariyan hatiye vedan. Piştgiriya gel bi hevkariya komîn û endamên saziyên sivîl ên Rêveberiya Xweser a koçberan re dewam dike. Piştî êrişên dewleta Tirk a dagirker û komên çete yên girêdayî wê ku 29ê Mijdara 2024an li ser Til Rifet û Şehbayê pêk hatin, Meclisa Gel a Efrîn û Şehbayê bi armanca pêşîgirtina komkujiyan biryara veguhestina gel a ji bo herêmên ewle da. Li ser biryarê di 2yê Kanûnê de dest bi veguhastina gel a ji bo herêmên Rêveberiya Xweser hat kirin. Rêveberiya Xweser pêşwaziya koçberan dike, cih û pêwîstiyên bingehîn ji wan re peyda dike.
