Ji Cotmeha 2024an ve li Başûrê Kurdistanê hikûmet nayê avakirin. Şandeyên PDK û YNKê li navçeya Pîrmam a Hewlêrê dest bi hevdîtinan kirin.
Hilbijartinên parlamentoya dema 6an a Herêma Kurdistanê, di 20ê Cotmeha 2024an de hatibû kirin. Tevî ku 6 meh di ser hilbijartinê re derbas bûn e jî hîna hikûmetek nehatiye avakirin.
Partiya Demokrat a Kurdistanê (PDK) û Yekitiya Niştimanî Kurdistanê (YNK) ev demeke li ser hikûmeta nû muzakere dikin.
Hat ragihandin ku her du partî ji bo nîqaşkirina avakirina hikûmeta nû, hatin cem hev.
Cîgirê Serokatiya Herêma Kurdistanê Qubad Talebanî di rojên borî de daxuyaniyek da bû û diyar kiribû ku hevdîtinên di navbera YNK û PDKê de erênî derbas dibin û feraseteke hevpar derdikeve holê.
Li gorî Talebanî ew gihiştine qonaxa encamê û di nava demek kurt de peymanek tê hêvîkirin.
