Saziyên mafên jinan her meh raporên kuştina jinan parve dikin. Daneyên hûrguliyan parve dikin. Daneyên ku kîjan zilam jinê dikuje parve dike. Li gorî daneyan bi piranî ji aliyê zilamê ku pêre zewicî ye ve têne kuştin.
Li gorî raporan di meha adarê de ji sedî 83 jin li malê hatin kuştin û ji sedî 44 jin bi destê mêr hatin kuştin.
Li gori daneyên Platforma Em ê Cînayetên Jinan Rawestînin di 3 mehên 2025an de 150 jin hatin kuştin. Ji 150 jinan 67 jin bi destê mêrê ku pêre zewiciye ve hatine kuştin. Ev dane nîşan dide ku zilam vîna jinê tune dibîne û xwe wekî erka biryarê nas dike. Bi her awayî xwe heq dibîne û jinê neheq dibîne. Lêkolîn û dane dîsa nîşanî me dide ku piraniya mêrên ku jinê dikuje nayê cezakirin. Eger bê cezakirin jî cezayekî sivik digire û tê berdan. Lêkolîner û pispor destnîşan dikin ku zilam hêza xwe ji dadgehê û rayedarên dewletê digire. Ji ber kujer nayê girtin û nayê cezakirin, bi hêsanî dikare xwe wekî xwediyê jinê bibîne û çawa bixwaze dikare mudaxaleyî wê bike. Bi hezaran dos hatine vekirin û encama van dozên ku hatine vekirin jî vê rastiyê nîşan dide.
Mêr bi du şêwazan jinê dikuje
Ku jin bixwaze hev berdin tê kuştin, lê dema mêr bixwaze hev berdin dest jê berdide û diçe û tu hesab jê nayê pirsîn. Dane nişan didin ku dema mêr jinê dikuje jî hesap jê nayê pirsîn û dema dest jê berdide jî nayê kuştin. Li gorî pisporan jin bi du şewazî têne kuştin. Şawazek bi fîzîkî tên kuştin, Şewazê din jî bi awayekî manevî tê kuştin. Ji ber ku dema mêr dest jê berdide û diçe êdî civak wê tecrîd dike û tenê tê hiştin.
Di mehên adar, sibat û çile yên 2025an de 67 jin bi destê mêr hatin kuştin. 83 jin jî bi awayekî guman kuştî hatin dîtin. Bi giştî di 3 mehên ewil de 150 jin hatin kuştin. Li gorî daneyan piraniya jinan ji aliyê mêrê ku pêre zewcî ye tên kuştin. Balkêş e dema mêr dixwaze dest jê berdide û diçe. Lê dema jin bixwaze dest ji hev berdin, ji aliyê mêrê ku pêre zewicî ye ve tê kuştin.
Dema em li daneyên 3 mehan binerin û sedem û encamên wan binerin em dibînin ku mêr çawa dixwaze wisa tev digere û jina ku li gorî pîvan û daxwazên mêr tev negere bi destê mêr tên kuştin.
Adar
Di meha Adarê de 18 jin bi destê mêr hatin kuştin. 30 jin bi awayekî guman kuştî hatin dîtin. 8 jin ji aliyê mêrê ku pêre zewicî ye ve hatin kuştin. 3 jin bi destê mêrê ku berê bi hevre bûn ve hatin kuştin. 2 jin bi destê mêrê ku dest ji hev berdabûn ve hatin kuştin. 2 jin ji aliyê bavê xwe ve jinek ji aliyê nazê xwe ve û jinek jî ji aliyê bavê xwe ve hat kuştin. Ji sedî 44ê jinan ji aliyê mêrê ku pêre zewicî ye ve hatin kuştin. Ji sedî 83yê jinan li malê hatin kuştin.
Sibat
Di sibatê de mêran 16 jin kuştin û 21 jin bi guman kuştî hatin dîtin.
Di meha sibatê de 16 jin bi destê mêr hatin kuştin. 21 jin jî bi guman kuştî hatin dîtin. Ji 16 jinan 4 jin bi destê merê ku pêre zewicîye hatin kuştin. Jinek bi destê kurê xwe ve hat kuştin. 12 jinên ku bi destê mêr hatin kuştin nehat zanîn çima hatiye kuştin. 4 jin bi mêrê ku dest ji hev berdabûn ve hatin kuştin. 3 ji aliyê kurê xwe ve 2 jin jî ji aliyê hezkirinên xwe yên berê ve hatin kuştin. Jinek jî ji aliyê hezkiriyê xwe ve hat kuştin. Jinek ji aliyê bav û jinek ji aliyê xizmê xwe ve hat kuştin. Ji sedî 25ê jinan ji aliyê mêrê ku pêre zewicîbûn ve hatin kuştin.
Çile
Di meha çile de 33 jin bi destê mêr hatin kuştin û 32 jin jî bi guman hatin kuştin
Di meha çile de 33 jin bi destê mêrên ku nêzî wane hatin kuştin. 32 jin jî bi guman kuştî hatin dîtin. Ji 33 jinan 8 jinên dema xwest dest ji hev berdin bi destê mêrê ku pêre zewicî ye ve hatin kuştin. Jinek bi hinceta xwarin çênekiriye hat kuştin. 5 jin ji aliyê hezkiriyê xwe ve hat kuştin. 6 jin ji aliyê xizmên xwe ve hatin kuştin. 3 ji aliyê nazê xwe ve 3 ji aliyê kurê xwe ve 3 ji aliyê birayê xwe ve 2 jî ji aliyê mêrê ku berê pêre zewicîbûn ve hatin kuştin. Ji sedî 24 jin ji aliyê mêrê ku pêre zewicîbûn ve hatin kuştin. 23 jin li malên xwe hatin kuştin. Yanî ji sedî 70 jin li mala xwe hatin kuştin.
2024
Li gorî rapora Platformê di sala 2024an de herî kêm 394 jin hatin kuştin û herî kêm 259 jinan jî bi awayekî guman jiyana xwe ji dest dan.
