Shahla Pirastah a ji bajarê Mahabadê ku 8 sal in li Amedê dijî, bi dersînorkirinê re rû bi rû maye. Shahla Pirastah berê lêferzkirina sîxuriyê red kiribû.
Shahla Pirastah ji bajarê Mahabada Rojhilatê Kurdistanê ye. Dewleta Tirkiyeyê dixwaze Shahla Pirastah dersînor bike. Shahla Pirastah karê grafîkeriyê dike. Ji ber nasnameya xwe ya Kurdî di kanûna 2024an de ji hêla polîsên TEMê ve tê sekinandin û sîxuriyê lê ferz dikin. Ji ber ku ew lêferzkirina sîxuriyê qebûl nake, gefa dersînorkirinê lê tê xwarin.
Shahla Pirastah li ser vê lêferzkirina sîxuriyê û gefxwarinê di 16ê Kanûna 2024an de serî li Komeleya Mafên Mirovan (ÎHD) a Şaxa Amedê da. Polîsan di 7ê Nîsanê de bi ser mala Shahla Pirastah de girt û ew kirin binçavan. Polîsan, Shahla Pirastah radestî Midûriyeta Şaxa Koçberiyê kirin. Bêyî ku tu biryarê nîşanî parêzerên wê bê kirin, Midûriyeta Îdareya Koçberiyê ya Koçberiyê ya Bajarê Amedê di 8ê Nîsanê de biryar da ku Shahla Pirastah were dersînorkirin û wê birin Navenda Paşdeşandinê ya Rihayê.
Parêzerê Shahla Pirastahê ragihand ku ew ê li dijî vê biryara dersînorkirinê doza betalkirina biryarê veke.
