Koordînatorê weşanxaneyê Vateyî Nuştox Denîz Gunduz seba awanbîyena Ajansa Welatî kêfweşîya xo nîşan dê û vat: “Ma pê Ajansa Welat zaf şa bîme.”
Ajansa Welatî mîyanê şarê Kirmanckî de bîye sebebê kêfweşîye û fîrazkerdene. Ninan ra jû zî nuştoxê ziwanê Kirmanckî Denîz Gunduz o. Gunduzî seba Ajansa Welatî vatenê xo nîya ardî ra ziwan: “Karêde zaf zaf rindo. Yanî ma pê zaf şa bîme. Zaf kêfê ma ame ma bîme kêfweş. Ez Ajansa Welatî pîroz keno. Sazgehê ma zêde bê rindo. Nika kemasîyê de ma nîyanêne esta, sazgehê mayê ke serê kulturî xewetînê zaf şenike, bes nêkenê. Kurmancî ser zî Kirmanckî ser zî. Kêmasîya Zazakî tayêna zêdo. Ê kurmancî rêna 30-40 weşanxaneyê xo estê rêna zî gorê nifisê Kurmancan şenikê, gerê zaf bê. Ê Kirmanckî teyna jû weşanxane esto. No seba jû ziwanî çîyê de rind nîyo. Ayera ma qayt kenê xewatê zê Ajansa Welatî sazgehê newî benê a kirmanckî sero kar kenê ma kêfweş benîme, pê şa benîme. Ziwan bê xewat nêbeno.
