Serdozgerê Komarê yê Şirnexê strana “Şervano” weke xetere dît û xwest ji ber stranê hunermend Ûmût Botan bi “prooagandaya rêxistinê” bê cezakirin.
Ji ber strana “Şervano” ku di 24ê Sibata 2024an di şahiya DEM Partiyê ya li Şirnexê de hat gotin, ji aliyê Serdozgeriya Komarê ya Şirnexê ve li stranbêj Ûmût Botan lêpirsîn hat destpêkirin. Li gorî nûçeya Ajansa Mezopotamyayê; îdianameya ku ji aliyê dozgeriyê ve hat amadekirin ji aliyê Ddageha Cezayê Giran a Şirnexê ve hat qebûlkirin.
Di îdianameyê de hat îdiakirin ku strana “Şervano” xetereyê dide derdorê û bi vê sûc hatiye kirin.
Dozgeriyê îdia kir ku stran di çarçoveya azadiya derbirînê de nayê hesibandin û xwest Botan bi “propagandaya rêxistinê” bê cezakirin û 10 meh cezayê hepsê lê birîn.
Stranbêj Ûmût Botan ji bo cezayê tê xwestin lê bê birîn anî ziman ku ev ji ber netehemulkirina muzîk û stranên Kurdî ye.
