Şirnex – Îsal tevî hişkî û qirkirkirina xwazeya li Çiyayê Gabarê jî Darên Çilo serî hidan û şîn bûn. Li vir dengê radyoya Rojava li çiyê belav dibe û bi xwezayê re dibe yek.
Xwezaya Kurdistanê bi salan e bi destê dewletê û karmendên wê ve têye qirqir û talankirin. Bi teybetî li Şirnexê bi hinceta lêgerîna petrol û komurê her der hatiye wêrankirin. Li Çiyayê Cûdî xanên komûrê, li Çiyayê Gabarê jî lêgerîna petrole berdewam dike. Bi teqemeniyan, şewatan û darbirînê xweza gav bi gav hatiye tunekirin.
Li tevî van êrîşên li ser xwazeyê jî li Gabarê bi hatine demsala biharê ve zindî bûnek heye. Wekî din jî li quntara çiyê dîmeneke bêhemba mirovan hembêz dike. Çiya wek quleyek Asûriyan e û her derê dibine.
Tişta herî balkêş ew e ku li serê Çiyayê Gabarê kişandina radyoya “Rojava FMê ye. Dera rodya dikişîne tenê quleyên leşkerî û qalekol hene.
Li qûntara çiyê darên çilo pelên xwe nû wekirine. Ji Deşta Lala ya li serê Çiyayê Gabarê dema mirov dinêrî, Şirnex, Cizîr, Qesirk, Dêrgûl, gundê Şêxê Reş, Ziron, Çemê Şemo, Banêmihenda û Çiyayê Cûdî bi heybet te pêşwazî dikin. Deşta Lala salên 90î bi hinceta “ewlehiyê” ji aliyê dewletê ve hatiye valekirin û hêjî têketina gund û heremê qedexe ye.
Li Deşta Lala, kulîlkên biharê, pincarên xwarinê û ava vexwarinê tevî hişkiyê jî te peşwazî dike. Ava ji kaniyan diherike û gul û kulîlkên hêj nû vedibin mirovan serbest dike.
