Navenda Çavdêriya Mafên Mirovan a Sûriyeyê (SOHR) da zanîn ku di rojeke dawî de yek jê zarok 33 kes hatine kuştin.
Li gorî Navenda Çavdêriya Mafên Mirovan a Sûriyeyê (SOHR) li Sûriyeyê di nava 24 saetên dawîn de yek jê zarok bi kêmanî 33 kes hatine kuştin. SOHRê diyar kir ku li Tertûs, Banyaz, Ceblê, Laziqiyê û Derayê herî kêm 25 kes hatin înfazkirin. 3 kes ku beriya çend rojan li benda kontrolê ya gundê Miawna yê li ser rêya Safêta-Tertûsê hatibûn binçavkirin, kuştî hatin dîtin. Hate gotin, li ser cenazeyên wan şopên guleyan xuya bûn.
Li gorî SOHRê, li bejahiya Kebacib ê gundewarê başûrê rojavayê Dêrazorê cenazeyek hat dîtin ku şopên guleyan li ser hebûn. Ji ber teqîna bermahiyên şer jî, li gundê Edman ê bakurê Dêrazorê, li gundê Mehsnlî yê Minbicê, li gundê Fewa yê Idlibê û li bajarê Mabata yê Efrîna dagirkirî, 4 kes hatin kuştin ku di nav de zarokek hebû.
