Her sal Newroz li Kurdistanê bi coş û girseyî tê pîrozkirin. Lê dema hewldanên çareseriya demokratîk a pirsgirêka kurd di rojevê de tevlebûn û coş zêdetir e. Dema em berê xwe bidin Newroza 2011an a çend bajarên Kurdistan û Tirkiyeyê em dibînin ku coş û tevlêbûn di asta jor de ye.
Kurd bi taybetî piştî Tevgera Azadiyê wayetek pîroz û berxwedanê li Newrozê bar dikin. Kurd Newrozê ji bo xwe destpêka saleke nû û geşkirina berxwedanê digirin dest. Piştî salên 1990î û şûnde êdî li gund, navçe û bajarên Kurdistanê Newroz bi berxwedanê û bedelên giran hatiye pîroz kirin. Kurdan li ruxmê qedexeyan jî dîsa ji bo Newrozê pîroz bikin girtin û kuştin dane pêş çavênn xwe û li qadan agire Newrozê geş kirine. Tariya şevê bi agirê Newrozê ronî kirine. Bêdengî bi dirûşmeyên “Bijî Newroz” xera kirine. Niha Newroz li 89 navendan bi girseyî û coş tê pîrozkirin. Bi taybetî piştî qedexe hatin rakirin û hewldanên diyalog û çareseriyê dest pê kir, coş û girseya Newrozê gelek zêde bû. Dema em li dîmenên sala 2011an binerin coş û girseya Newrozê vî ruhê Newrozê raberî me dike.
* Li Parka Newrozê ya Amedê ku milyonek kes gihişt hev, kurdan ji bo çareseriya pirsgirêka kurd a demokratîk û aştiyane daxwazên xwe anîn ziman. Di Newrozê de dîmenên rengîn derketin pêş. Di Newroza Amedê ku ji 7 salî heta 70 salî her kesî cilên neteweyî li xwe kir de wekî lehiyê herikîn qada Newrozê.
*Li Qoserê di meşa ku piştî Newroza 21ê Adara 2011an de tevlibûna bi nêzî 100 hezar kesî hate lidarxistin de ji bo Rêberê PKK’ê Abdullah Ocalan û hemû girtiyên siyasî azadî hate xwestin.
* Li navçeya Silopiyê piştî pîrozbahiya Newrozê ya zêdetirî 50 hezar kes beşdar bûn, bi deh hezar kes ber bi Konê Çareseriya Demokratîk ve dest bi meşa “Azadiyê” kir. Li Sêrtê jî pîştî pîrozbahiyê bi deh hezaran kes meşiyan.
*Li Wanê pîrozbahiya Newrozê bi beşdariya nêzî milyonek kes pêk hat. Di pîrozbahiya ku her der bi rengê kesk, sor û zer xemilî Hozan Comert bi stranên xwe girse coşand û Parlementerê BDP’ê yê Wanê Ozdal Uçer axaftin kirin. Piştî axaftina Uçer, bi deh hezaran kes ji ber Keleha Wanê ber bi Konê Çareseriya Demokratîk ku 7 kîlometre dûrî qada pîrozbahiyê ye ve meşiyan.
*Di pîrozbahiya Newrozê ya li Stenbolê de bi sed hezaran kesan coşa cejnê tam kir. Jinan bi cilên xwe yên neteweyî ji sedî 60’ê qadê tijî kirin. Qada Kazliçeşmeyê têra kesên ku hatin pîrozbahiyê nekir. Di qada ku têra beşdaran nekir de dem bi dem henekên weke “ev qad têra me nake divê ji bo Newrozê qadeke din bê dîtin” hate kirin.
* 70 hezar kesên tevlî pîrzobahiya Newroza Îzmîrê bûn, bi slogana “şehîd namirin” li dengê Rahşan Demîrel a ku di Newroza sala 1992’yan de li Kadîfekaleyê bedena xwe dabû ber agir, kir.
* Li navçeya Geverê ya Colemêrgê komunên ku li 21 gundan hatiye avakirin li gundê Dileziyê agirê Newrozê pê xistin û li dora agir hatin cem hev.
* Li Edene, Mêrsîn, Osmaniye, Îskenderûn, Erzîn û Elbîstanê bi deh hezaran kes Newroz pîrozkir. Bi deh hezaran kesan li dijî polîtîkayên înkar û îmhayê banga Yekitiya hêza dêmokratîk kir.
