Navenda Nûçeyan – Jin û şêniyên kantona Reqayê ji bo piştgiriya koçberên ji Heleb û kantona Efrîn-Şehbayê, ketin nava tevgerê û dest bi alîkariyê kirin.
Li kantona Reqayê komkirina alîkariyan ji bo koçberên ji Heleb û kantona Efrîn û Şehbayê dewam dike. Jinên li kantona Reqayê ji bo piştgiriya şêniyên ji Helebê û kantona Efrîn-Şehbayê yên ku ji ber êrişên Tirkiyeyê û çeteyên xwe distpêrin wê koçber bûne, ketine nava liv û tevgerê. Jinan gelek kulîn tevî nivînan pêşkêşî koçberan kirine. Li kantona Reqayê bi rêya komînên taxan û mizgeftan xebatên komkirina alîkariyan ji bo koçberên ji Heleb û kantona Efrîn-Şehbayê dest pê kiriye. Maseya Krîzê ya kantonê jî xebatên peydakirina pêwîstiyên koçberan didomîne.
Maseya Krîzê heya vê kêliyê bi hezaran kes li dibistan, holên werzîşê û navendên ku amade kirine, bi cih kirine û pêwîstiyên wan ên xwarin, vexwarin, tenduristî û germkirinê peyda dike.
