Jinan bi boneya 8ê Adarê Roja Jinan a Cîhanî ji Rêberê Gelê Kurd Abdullah Ocalan û jinên girtî re kart û pirtûk şandin.
TUHAY-DER û TJAyê bi wesîleya 8ê Adarê Roja Jinan a Cîhanî ji Rêberê Gelê Kurd Abdullah Ocalan û jinên girtî re pirtûk û kart şandin. Jin li PTTya Ofîsê ya navçeya Yenîşehîrê ya Amedê hatin cem hev û beriya kart û pirtûkan bişînin daxuyanî dan.
Hevseroka TUHAY-DERê Yeter Erel Tuma di daxuyaniyê de axivî û diyar kir ku jin pêşengtiya bangavaziya Rêberê Gelê Kurd Abdullah Ocalan a aştî û civaka demokratîk bikin û got: “Em ê xwedî li banga Abdullah Ocalan derkevin û em ê bibin parçeyekî aştî û demokrasiye. Ji ber vê jî em kartê spasiyê ji Abdullah Ocalan re dişinin.”
Pişt re hevserokê DBPê ya Amedê Sultan Yaray da zanîn ku Rêberê Gelê Kurd Abdullah Ocalan peyameke dîrokî da û wiha got: “Em ê ji bo aştiyê serê xwe jî bikin bin kevir. Abdullah Ocalan bi salane ji bo aştiyê li ber xwe dide. Em jinên Kurdistanê jî piştgiriyê didin banga Abdullah Ocalan. Li ser me ferze ku em aştiyê binîn vî welatî. Ev nexşereya ku Abdullah Ocalan daye pêşiya me ji bo azadiya hemû gelan e. Bi salane ku dayikên me êş dikşînin. Êdî ev hişmendiya ku riziyayî dev jê berdin. Werin em bi hev re bi awayekî demokrasiyê çareser bikin. Em Rêberê Gelê Kurd Abdullah Ocalan û banga wî bi can û dil silav dikin û em ê heta dawiyê piştgiriyê didin vê bangê.”
Çalakî bi nîvîsandin û şandina karta bi dawî bû.
