Enqere – Dayikên Aştiyê ku bi daxwaza azadiya fizîkî ya Rêberê Gelê Kurd Abdullah Ocalan û avetina gavên şênber ên ji bo pêvajoyê Aştî û Civaka Demokratîk hatine Enqereyê û dest bi nobede kirine, nobeta xwe heta sibe domandin. Dayik îro jî ji bo daxwazên xwe ragihînin dê bi partiyên siyasî re hevdîtinan bikin.
Meclisa Dayikên Aştiyê bi daxwaza azadiya fizîkî ya Rêberê Gelê Kurd Abdullah Ocalan û avetina gavên şenber di pêvajoya Aştî û Civaka Demokratîk li Parqa Kurtuluşê ya navçeya Çankaya ya Enqereyê heta sibe nobeda xwe domandin. Dayikên Aştiyê ku heta derengiya şevê di kon de nobede xwe bi stran û berzkirina dirûşmeyan domandin bi seatên sibe re ji ber baranê, derbasî Navenda Giştî ya DEM Partiyê ya navçeya Çankayayê bûn.
Dayikên Aştiyê dê îro derbasî meclise bibin û li wir bi partiyên siyasî re hevdîtinan bikin. Heyetek ji Dayikên Aştiyê dê di seat 11:00an de ser navê Koma Yenî Partiyê, bi Serokwekîlê Koma Yenî Partiyê Alî Mahîr Başarir re hevdîtinê pêk bînin. Dayik dê di seat 12:00 an de jî ser navê Koma Yenî Yolê bi Serokwekîlê Komê Mehmet Emîn Ekmen re hevdîtinê bikin. Heyeta Dayikên Aştiyê dê di seat 14:00an de jî ser navê Koma MHPê bi Serokwekîla Koma MHPê Fîlîz Kiliç re, hevdîtinê bike û di seat 15:00an de bi ser navê Koma AKPê bi Serokwekîlê Koma Abdullah Guler re hevdîtinê bike. Heyeta Dayikên Aştiyê dê di seat 16:00an de jî bi ser navê Koma CHPê bi Serokê Giştî yê CHPê Kemal Kiliçdaroglu û Serokwekîla Komê Sevda Erdan Kiliç re hevdîtinê bikin.
Her wiha Dayikên Aştiyê ji Wezareta Dadê re jî daxwaza hevdîtinê kirine û li benda bersivê ne.
