Wan – Welatiyên Wanê tev li mewlûda cangoriyên têkoşîna azadiyê bûn anîn ziman ku wan bi saya têkoşîna şehîdan hebûna xwe parastiye û wiha gotin: “Azadiya fîzîkî ya Rêberê Gelê Kurd ji bo pêşketina pêvajoyê pêwîstiyek e.”
Bi pêşengiya Komeleya Yekitî, Çand, Piştevanî û Alikariya ya bi Malbatên ku di Dergûşa Şaristaniyê de Xizmên Xwe Winda Kirine re (MEYAB-DER) ya Wanê ji bo şehîdên Tevgera Azadiya Kurdistanê yên ku di dem û cihên cuda de jiyana xwe ji dest dane, li eywanek dawetê ya li Taxa Karşiyaka ya navçeya Rêya Armûşê Mewlûd hate dayîn.
Welatiyên tev li mewlûdê bûn, hest û ramanên xwe yên li ser şehîdên Tevgera Azadiya Kurdistanê û pêvajoya Aştî û Civaka Demokratîk ji Ajansa Welat re anîn ziman.
Welatiyan diyar kir ku wan bi saya têkoşîna şehîdên Tevgera Azadîya Kurdistanê hebûna xwe parastine û hatine van rojan. Welatiyan destnîşan kirin ku ew e li ser şopa têkoşîna cangoriyan bimeşin û xwedî li mîrateyên wan derkevin.
‘Dewletê hê jî gav neavêtiye’
Welatiyan bal kişand ser pavajoya Aştî û Civaka Demokratîk û bi lêv kirin ku her çiqas kêmasiyên pêvajoyê hebin jî baweriya wan ji bo aştiyê heye. Welatîyan anî ziman ku heta niha Rêberê Gelê Kurd û Tevgera Azadiyê gavên pêwîst avêtine lê berovajiyê vê yekê ji aliyê dewletê ve gavên pêwîst û giring nehatine avêtin. Welatiyan bi lêv kir ku ev yek baweriya wan a pêvajoyê dişkine, lê disa jî baweriya xwe bi Tevgera Azadiyê û Rêberê Gelê Kurd re tînin.
Banga başkirina şer û mercên Abdullah Ocalan
Welatiyan destnîşan kir ku ji bo pêşketina pêvojoyê başkirina şert û mercên Rêberê Gelê Kurd Abdullah Ocalan û azadiya fîzîkî ya wî pewîsteyeke pir giring e û wiha gotin: “Serok Ocalan sermuzakerevanê vê pevajoyê ye û divê bi rehetî xwe bigihîne hemû beşên civakê. Divê ew di nav gelê xwe de bi azad bijî.”
