10emîn Pêşengeha Pirtûkan a Amedê di roja 7emîn de didome. Gelek xwendekar û pirtûkhêz bi awayekî girseyî serdana pêşengehê dikin.
10emîn Pêşengeha Pirtûkan a Amedê ku ji aliyê Yekîtiya Weşangerên Tirkiyeyê, Odeya Bazirganiyê ya Amedê û TUYAPê ve li Navenda Fûar û Kongreyê ya Navneteweyî ya Mezopotamyayê tê lidarxistin di roja 7emîn de berdewam dike. Di pêşengehê de gelek nivîskar, helbestvan pirtûkên xwe îmze dikin, bi xwînerên xwe re tên bahev, li ser gelek mijaran nîqaş û gotûbêj û panel tên kirin.
Di roja 7emîn de hat dîtin ku gelek xwendekarên dibistanên Amedê û gelê Amedê tev li pêşengehê bûn. Pêşengeha ku bi serdan û eleqeyek mezin didome, wê di 4ê Cotmehê de bi dawî bibe.
