Li Kampûsa Zanîngeha Egeyê, piştî ku rêxistinên ciwanan stand vekirin û mudaxeleya polîsan 27 kes hatibûn binçavkirin, ji wan binçavkiriyan kesek hat girtin.
Li ber ketina Çarşiya Ciwanan a Zanîngeha Egeyê, endamên rêxistina ciwanan bi dirûşmeya “Biryar yên we ne, zanîngeh yên me ne” li dijî biryara wezaretê ya ji bo kampûsan derketibûn. Ji endamên rêxistinên ciwanan 26 kes piştî ku îfadeyên wan ên li emniyetê hatin berdan, lê endamê Yekîtiya Ciwanên Şoreşger (DGB) Ûlaş Yildirim bi tohmeta ‘Qanûna Civîn û Meşên Xwenîşandanê’ ya bi hejmara 2911an hat girtin û şandin Girtîgeha Tîpa T a Şakranê.
