Balafirên şer ên Dewleta Tirk gundên Amêdiyê bombebaran kir. Li gorî şêniyan, dumana êrişê demek dirêj li herêmê ma û fikara ku gelo çekên qedexekirî hatiye bikaranîn anî hiş û aqilan.
Di saetên sibehê zû de, balafirên şer yên Artêşa Tirk destpêkê çiyayê Metînayê 3 caran bombebaran kirin. Piştî wê di saet 08:30an de jî gundên Guherzê û Bilavê yên Amêdiyê ya ser bi Dihokê, 2 caran bombebaran kiriye.
Balafirên artêşa Tirk a dagirker di saet derdora 10:00an de jî gundên Sergelê, Guherzê û Bilavê 4 caran bombebaran kirine.
Çekên qedexekirî
Li gorî agahiyên ku şêniyên herêmê bi Ajansa Rojnewsê hatine standin, piştî bombebaranê, demek dirêj dumana bombebaranê li herêmê maye û belav bûye. Şênî dibêjin, ji ber ku dumana êrişê demek zêde ma, dibe ku çekên qedexekirî hatibin bikaraîn. Derbarê êrişê heya niha ti daxuyaniyek fermî nehatiye dayîn. Hêjayî gotinê ye rojane dewleta Tirk a dagirker li nav xaka Iraq û Başûrê Kurdistanê êrişên xwe didomîne û komkujiyan dike. Gelek carin dewleta Tirk çekên qedexekirî bikartîne, tevî belgeyan jî rayedarên Iraq, herêma Kurdistan û cîhanê bêdengiya xwe di parêzin.
