* Li gor agahiyên çavkaniyên pêbawer Rêberê Gelê Kurd Abdullah Ocalan di hevdîtina dawî de li ser bûyerên Rojava, nîqaşên li ser Elewiyan û rewşa Îranê nirxandinên berfireh kirine. Abdullah Ocalan bûyerên li Rojava weje provakasyon nirxandiye û gotiyê divê ew sabotaja li dijî zemîna dîalogê demildest bê rawestandin.
* Hevserokê Egîtîm Sena Êlihê Ramazan Bîlmez destnîşan kir ku zimanê Kurdî tenê wekî dersên bijarte nayê qebûlkirin û destnîşan kir ku divê gelê Kurd weke herkesî bi zimanê xwe perwerdehiyê bibîne.
* Mamosteyê ZIMANGEH-DERê Serdar Îke bal kişand ser perwerdehiya bi zimanê dayikê, da zanîn ku pirzimanî dewlendiyeke vî welatî ye û got: “Heke pirzimanî neyê hezkirin û qebûlkirin, demokrasî jî pêş nakeve.”
* Nivîskar Xebat Dîcle di gotara ji bo Kovara Ozgur Halkê nivîsandî de êrişên li ser ciwanan dinirxîne. Dîcle di destpêka nirxandina xwe de bala xwendevanan dibe ser pênaseya çewt a ku pergal ji bo ciwanan dike. Nivîskar destnîşan dike ku pergal dixwaze saziyên xwe yên kevn û nîzama xwe wekî “pêşeroj” bide qebûlkirin û ciwanan jî bike parêzvanê vê pergalê û wiha dibêje: “Lê ciwan ne wergir an parêzvanên pergalê ne. Ciwan kesên bi hiş, dil, azwerî û têkoşîna xwe pêşerojê ji nû ve ava dikin e.”
* Komeleya Lêkolînên Çand û Ziman a Avesta, bi boneya destpêkirina serdema perwerdeya nû û bêparmayîna ji mafê zimanê zikmakî dê li ber avahiya komeleyê daxuyanî bide. (18:00)
* Rêxistina DEM Partiyê ya Enqereyê dê tekildarî qetilkirina şervanê Tugaya Hesekê Sîpan Hiznî û bûyera li Kobanê qewimîne li ber peykerê mafê mirovan ê kolana Yukselê ya navçeya Çankaya ya Enqereyê daxuyaniyê bide. (18:30)
* Bi boneya salvegera qetilkirina Jîna Emînî a ji aliyê hêzên Rejîma Îranê ve hatibû qetilkirin li gelek navendan daxuyanî bê dayîn. (17:30-19:00)
