Hejmara 36an a Rojnameya Azadiya Welat bi manşeta ‘Gel Soza xwe nû kir’ derket pêşberî xwînerên xwe. Rojnameyê vê hefteyê bal kişand ser bîranînên Şehîdên Azadiyê ku li gelek navendan pêk hat û xwedîderketina gel derxist pêş.
Rojnameya Azadiya Welat ku hefteyê carekê tê çapkirin, di vê hejmara xwe de bal kişand ser bîranînên Şehîdên Azadiyê. Rojnameyê zêdetir cih da xwedîderketina gel a li Şehîdên Azadiyê û girêdana gel a bi şehîdan re. Rojnameyê dîsa di rûpela manşetê de cih da gotara Nivîskar Medenî Ferho ya bi sernavê “Divê pergal entegreyî demokrasiyê bibe”, gotara Nivîskar Hesen Huseyîn Denîz a bi sernavê “Divê civak li xwe xwedî derkeve”, gotara Nivîskar Felemez Ulug a bi sernavê “Qanûna Çarçove û deriyên girtî,” gotara Nivîskar Cemîle Turhallî a bi sernavê “Şala Vîndîbîyayîyê”, gotara Nivîskar Feratê Dengizî ya bi ser navê “Li Amedê serhildan e” û gotara Kadîr Stêra ya bi ser navê “Gelo ew gund Kurdistan e? û bal kişandin ser mijarên di rojevê de.
