Girtiya siyasî Medine Orhan a ku li Girtîgeha Tîpa T a Jinan ya Alîagaya Îzmîrê dihat ragirtin, 10 sal şûnde hate berdan.
Medîne Orhan di 29ê Mijdara 2016an de li Îdirê hatibû binçavkirin, demekê li Girtîgeha Jinan a Girtî ya Bayburtê mabû û piştre sirgûnî Girtîgeha Tîpa T a Jinan a Alîagaya Îzmîrê hatibû kirin. Piştî ku 10 sal girtî ma îro êvarê hate berdan. Medîne Orhan li ber deriyê girtîgehê ji aliyê malbata xwe, Hevserokên Partiya Wekhevî û Demokrasiyê (DEM Partî) yên Alîagayê û nûnerên Komeleya Alîkarî û Piştevaniya bi Malbatên Girtî û Hikûmxwaran re ya Egeyê (EGE TUHAY-DER) bi kulîlk û tililiyan hate pêşwazîkirin
‘Bi pêvajoya aştiyê nasnameya me hat naskirin’
Medine Orhan piştî hat berdan diyar kir ku Pêvajo Aşitî û Civaka Demokratîk nîşaneya wê yekê ye ku em ji ku derê hatine ku derê û wiha axivî: “Bi vê pêvajoyê hebûn û nasnameya me êdî tê nas kirin. Ji vir şûn ve em ê bi rengekî demokratîk, wekî hevalên wekhev bi hev re bijîn.”
