Sultan Kaya ya ku ji aliyê kujer Ersan Akdemir ê ku biryara dûrxistinê li ser hebû ve hat kuştin, li ser milên jinan ber bi rêwîtiya dawî ve hat oxirkirin.
Sultan Kaya duh êvarê li taxa Şehitlikê ya navçeya Bajarê Nû ya Amedê ji aliyê kujer Ersan Akdemir ê ku di qonaxa berdanê de bû û biryara dûrxistinê li ser hebû ve bi çekê hat kuştin.
Piştî cenazeyê Sultan Kaya ji morgê hat wergirtin ji bo definkirinê birin Goristana Yenişehirê. Tevî malbata Sultan Kaya, Tevgera Jinên Azad (TJA) û Midûriyeta Siyaseta Jinan a şaredariyên navçeyan tev li merasîmê bûn.
Jinan darbesta Sultan Kaya hildan ser milên xwe
Darbesta Sultan Kaya ji aliyê jinan ve hildan ser milên xwe. Cenazeyê wê bi şîn û giriyê ve hat definkirin. Sibê dê ji bo Sultan Kaya li mala şînê ya Îmam Hanîfî ku li taxa Şehitlikê şîn bê danîn.
