Cîvina Desteya Şopandin û Tespîtê bi revêbirina Cigirê Serokkomar Cevdet Yilmaz ve hate rêvebirin û 3,5 seatan berdewam kir. Di civîne de biryara avakirina 4 bin desteyan hat dayîn.
Di çarçovaya Pêvajoya Aştî û Civaka Demokratîk de qanûna çarçoveyî ya “Xurtkirina hevgirtina neteweyî û yekparebûna civakî” b 467 dengan li meclisê hat derxistin û di rojnameya fermî de hat ragihandin. Ji bo sepandin ango pratîkirina qanûnê dê 3 destê bên avakirin. Yek van destayan jî Desteya Şopandin û Tespîtê ye. Desteya Şopandin û Tespîtê bi rêveberiya Cigirê Serokkomar Cevdet Yilmaz de li Beştepeyê civina xwe ya yekêm li dar xist. Di civînê de Wezîrê Karên Derveyî Hakan Fîdan, Wezîrê Karên Navxweyî Mustafa Çîfçî, Wezîrê Dadê Akin Gurlek, Wezîrê Parastinê Yaşar Guler, Serokê MÎTê Îbrahîm Kalin û Sekreterê Giştî ya MGK Oktay Memîş jî amade bûn. Civîn bi qasî 3,5 seatan domiya. Piştî civîne daxuyaniyeke nîviskî hat ragihandin.
Di daxuyaniyê de hat diyarkirin ku di bin banê Desteya Şopandin û Tespîtê de 4 komîsyon hatine avakirin. Di daxuyaniyê de ev tişt hatin parvekirin: “Îro civîna yekem hat li darxistin û di vê çarçoveye de;
*Ji bo rêvebirina vê desteyê û koordinasyona yên ku tevlî vê desteyê bûne hatin nirxandin.
*Rê û rebazên ku ji bo xebatên vê desteyê hatin niqaşkirin.
* Biryara avakirana Bin Desteya Kordînasyona Karên Edlî û Hiqûqî, Bin Desteya Çevderî û Tespîtê, Bin Desteya Yekbûyîn û Ahenkbûna Civakî û Bin Desteya Kordînasyona Bêçekkirin û Stratejiyê hate dayîn.”
