Qanûnê çarçewa yê ‘Xurtkerdişê paştîdayîşê neteweyî û yewbîyayîşê komelî’ rojnameyê fermî de ame weşanayene. Badê weşanayîşê qanûnê çarçewa Cagirê Serekkomarî Cevdet Yilmaz ser hesabê xo yê medyaya dijîtal eşkera kerd ke heyetêke ameyo ronayene.
Qanûnê çarçewa yê ‘Xurtkerdişê paştîdayîşê neteweyî û yewbîyayîşê komelî’ ke girêdayeyê prosesê Aştî û Komelê Demokratîkî de amebî viraştene 12 madeyan ra yeno pê, rojnameyê fermî de ame weşanayene. Badê ke qanûn Rojnameyê femî de ame weşanayene Cagirê Serekkomarî Cevdet Yilmaz zî serê hesabê xo yê medyaya dijîtal eşkera kerd ke heyetêke seba caardişê qanûnî binê banê cagirê Serekkomarî de biameyene awankerdene ameyo ronayene û da zanayene ke badê ke heyet ame ronayene wezaret û sazgehê ke heyet de ca gênê dest bi xebatanê xo kerdo.
Sewbîna Cevdet Yilmazî dîyar kerd ke ey do kombîyayîşê ewilînî yê heyetî 24ê Tebaxe roja dişeme virazê û kombîyayîş de seba caardişê qanûnî do goreyê hewcedarîyan binkomîsyonî bêrê ronayene û munaqeşekerdene.
