Stenbol – Welatiyên Stenbolî li ser pêvajoyê û Qanûna Çarcoveyî axivîn û wiha gotin: “Heta Serokê me neyê berdan deriya girtîgehan venabe. Daxwaza tevahî gelê Kurd yek e, ew jî azadiya Serok Abdullah Ocalan e.”
Bi ser banga Rêberê Gelê Kurd Abdullah Ocalan ya 27ê Sibatê ve nêzî 2 sal derbas bû û bi banga Rêberê Gelê Kurd Abdullah Ocalan pêvajoya “Aştî û Civaka Demokratîk” dest pê kir. Di 5ê Tebaxê de ‘Qanûna Çarçoveyê’ ya bi 12 xalan pêk tê, ji meclisê re hat şandin û 8ê mehê di Komîsyona Edaletê ya Meclisê de derbas bûbû.
Herî dawî di çarçoveya pêvajoyê de qanûna çarçoveyî ya ‘Xurtkirina hevgirtina neteweyî û yekparebûna civakî’ di 5ê Tebaxê de bi 367 îmzayên parlamenteran ji Serokiya Meclisê re hatibû şandin. 12 xalên qanûna çarçoveyî piştî niqaşên li Desteya Giştî ya Meclisê di encama dengê erênî ya 468 parlamenteran de hat qebûlkirin. Bi qebûlkirina vê qanûnê pêvajoya “Aştî û Civaka Demokratîk” derbasî qonaxeke nû bû. Piştî Qanûna Çarcoveyê di nava civakê de nîqaşên pêvajoyê geştir bû. Gêlê Kurd di Qanûna Çarcoveyê de gelek kêmasî dibîne lê ji bo destpêka derxistina qanûnan erênî dibîne. Gelê Kurd Qanûna Çarcoveyê wekî “vekirina deriyê aştiyê” pênase dike.
‘Gava herî girîng azadiya Serokatî ye’
Welatiyên Kurd ên Stenbolê dijîn têkildarî pêvajoya heyî û Qanûna Çarcoveyê ji ajansa me re axivîn. Welatiyan diyar kirin ku heta Serokê wan neyê berdan deriyê girtîgehan venabe û ew jî dewletê bawer nabin. Welatiyan anî ziman ku daxwaza tevahî gelê Kurd yek e jî ew azadiya Abdullah Ocalan e. Welatiyan bang li dewletê kirin û destnîşan kirin ku di pêvajoyê de gava herî girîng azadiya Rêberê wan e û wiha gotin: “Divê demildest Serokê me azad bibe û tevahî mafê Kurdan werin danîn.”
