Di pêşengtiya Rêxistina Meclîsa Ciwanan ya DEM Partiyê ya Amedê de bi dirûşmeya ‘Ji vejîna gavekê ber bi azadiya hezar ve’ şahiya gel hat lidarxistin û pêngava 15ê Tebaxê hate pîrozkirin.
Di pêşengtiya Rêxistina Meclîsa Ciwanan ya DEM Partiyê ya Amedê bi dirûşmeya ‘Ji vejîna gavekê ber bi azadiya hezar ve’ li Parka Temelê ya navçeya Rezanê ya Amedê şahiya gel li dar xist û pêngava 15ê Tebaxê hate pîrozkirin. Di şahiyê de ciwanan bênavber dirûşmeyên ‘Jin jiyan azadî’, ‘Bê Serok jiyan nabe’, ‘Silav silav ji Îmraliyê re hezar silav’ hatin berzkirin. Di şahiyê de wêneyên Rêberê Gelê Kurd Abdullah Ocalan hatin vekirin. Pankartên bi li ser ‘Ala ku we bilind kiriye, neketiye û wê nekeve jî’ û ‘Hebûna neteweyî hate naskirin, niha jî dema rizgariyê ye’ hatin daliqandin. Hevseroka Rêxistina DEM Partiyê ya Amedê Gulşen Ozer, hevserokê Rêxistina DBPê ya Amedê Ahmet Dogan, endamên meclîsa ciwana û gelek kes tevlî şahiyê bûn. Di şahiyê de ciwanan govend gerandin û daxuyanî hate xwendin.
‘Gelê Kurd di 15ê Tebaxê de hebûna xwe îspat kiriye’
Daxuyanî ji aliyê endamê Meclîsa Ciwanan ya DEM Partiyê Mehmet Salîh Karacadag ve hate xwendin. Mehmet Salîh Karacadag di axaftina xwe de bal kişand ser girîngiya pêngava 15ê Tebaxê û wiha got: “Mabesta civîna me ya îro ew e ku gelê Kurd di 15ê Tebaxê de hebûna xwe îspat kiriye û em hatin li cem hev ku vê rojê pîroz bikin. Em li vir diyar dikin ku tu hêz nikare azadiya gelê Kurd ji destê wî bigire û hebûna wî înkar bike.”
Piştî daxuyaniyê ciwanan govend gerandin û dirûşme berz kirin.
