Qanûna Çarçoveyî ya ‘Xurtkirina hevgirtina neteweyî û yekparebûna civakî’ ku li Desteya Giştî ya Meclisê tê nîqaşkirin bi axaftinên li ser xala 2an a qanûna çarçoveyî didomin.
Qanûna Çarçoveyî ya ‘Xurtkirina hevgirtina neteweyî û yekparebûna civakî’ ku 12 xalan pêk tê û bi 367 îmzayan ji Serokiya Meclisê re hat pêşkêşkirin piştî di Komîsyona Edaletê ya Meclisê de hat erêkirin, li Desteya Giştî ya Meclisê tê nîqaşkirin. Piştî nirxandinên li ser qanûna çarçoveyî rûniştin bi pirs û bersivan berdewam kir.
Li ser pirsa parlamenteran Serokê Komisyona Edaletê yê Meclisê Cuneyt Yuksel bersiv da. Piştre jî derbasî xalên qanûna çarçoveyî bûn û li ser xalan parlamenteran bi dorê mafê axaftinê girtin û nirxandin kirin.
Di serî de parlamenterê Yenî Yolê yê Enqereyê Îdrîs Şahîn axivî û li ser xalên qanûnê nirxandin û rexneyên xwe anîn ziman.
Parlamenterê AKPê Huseyîn Yayman jî îdia kir ku di dema AKPê de ji bo çareseriya pirsgirêka Kurd gav hatine avêtin û got: “Ji berê ji bilî Tirkî zimanên din qedexe bû. Di serdema AKPê de pêşya Kurdî vebû, rojname û kovaran dest bi wêşanê kir. TRT 6 vebû. Ew qanûn ji bo 86 milyonan e. Êdî paradigma guheriye û êdî dem hatiye ku em pêşerojê bi hev re ava bikin. Divê em zimanê xwe baldar bin, li dijî provakasyonan û zimanê xwe baldar bin. Êdî dem dema çareseriyê ye. Divê hemû piştgiriya çareseriyê bikin. Em di destpêka çareseriyeke mezin de ne.”
Piştî axaftinan li ser xala yekêe a qanûn pirs hatin pirsin û Serokê Komisyona Edaletê Cuneyt Yuksel bersiva pirsan da.
Parlamentera DEM Partiyê yê Bedlîsê Semra Çaglar bi lêv kir ku ji bo bi dawîkrina pêvçûnan û avakirina zemîna hiqûqî gaveke dîrokî diavejin û wiha got: “Ew qanûn nikare hemû pirsgirêkan çareser bike lê dê pêşî li çareseriya pirsgirêka Kurd ku sed salan derveyî qanûnan hatiye hiştin re derî veke. Berpiryariya me hemûyan ew e ku deriyê aştiyê heta dawî vekin.”
Parlamentera DEM Partiyê yê Colemêrgê Oznur Bartin jî destnîşan kir ku aştiya mayinde ne tenê bi danîna çekan di heman demê de bi wekhevî û azadiyê mîsoger dibe û got: “Li pêşya me firsteke dîrokî heye. Aştî ne wateya ji holêrakirina cudahiyan e lê berovajî wê cudahiyan di nava wekhevî û azadiyê de bijîn.
Piştî axaftinan derbasî xala 2an bû û li ser xala 2an a qanûna çarçoveyî nîqaş û nirxandin berdewam dike.
