Roja dawî ya Mîhrîcana Girê Koxê bi vekirina Mala Dengbêjan, banga têkoşîna li dijî talan xwezayê û bi konserên bi coş bi dawî bû.
Di roja dawî ya Mîhrîcana Girê Koxê ya 12emîn a ji aliyê Şaredariya Gimgimê ve bi dirûşma “Bi hêza hunerê dê aştî bê welatê rojê” tê lidarxistin de Mala Dengbêjan hate vekirin û êvari jî konserên Koma Dîcle, Mizgîn Turan, Denîz Esmer û Rapbêj Serhedo pêk hatin. Ji aliyê Hevşaredariya Gimgimê ve li kêleka avahiya DEM Partiyê bi beşdarbûna Hevşaredarên Gimgimê, sazî û rêxistinên DEM Partiyê yên Mûş û Gimgimê, dengbêj Selahattîn Guçtekîn, Fahrettin Guçtekîn, Mustafa Gulseven û bi dehan welatiyan Mala Dengbêjan hate vekirin.
‘Ziman û çanda me bi saya dengbêjan heta îro hatiye’
Di destpêka vekirina Mala Dengbêjan de, Hevşaredarê Gimgimê Giyasetîn Aydemîr ji bo vekirina Mala Dengbêjan axaftinek kir û got: “Ziman û çanda xwezayî bi saya dengbêjan heta roja îro hatiye û êdî dengbêj dê li saziya xwe werin gel hev, kilamên xwe bigihijînin gelê xwe. Piştî axaftina dengbêj Selahattîn Guçtekîn, Fahrettîn Guçtekîn û Mustafa Gulseven saziya xwe bi deng û awazên xwe yên rengareng xemilandin.
Di saetên êvarê de destpêkê Hevserokên DEM Partiyê yên Mûşê Çîçek Tûtûş û Îlyas Aslan derketin Ser dikê û gel silav kirin. Hevserok Çîçek Tûtûşê gerîlaya YJA-STARê Ekîn Wan ku di 10 Tebaxa 2015an ve li Gimgimê ji aliyê hêzên dewletê ve hatibû qetilkirin bibîr anî. Hevserok Îlyas Aslan jî gel silav kir û banga têkişîna li dijî talana xwezaye kir.
Piştî axaftinan Koma Dîcle ku 20 salin li Ewropayê bi muzîkê re mijûl dibe derket ser dike û bi stranên xwe bi gelê Gimgimê r ehate gel hev. Piştre Hunermend Mizgîn Tuean derket ser dikê û stranên bi coş ji bo beşdaran sitrî. Du re Hunermendê Navenda Çanda Mezopotamyayê Denîz Esmer derket ser dikê û stranên cur bi cur ji bo beşdaran got. Herî dawî Rapbêj Serhedo bi coş û çepikên beşdaran a xurt derket ser dikê û gelê Gimgimê bi stranên xwe cojand. Serhedê li ser dikê gelek caran banga xwedî derketina li zimanê Kurdî kir. Bi hezaran kesên ku qada mîhrîcanê tije kiribûn heta derengiya şevê li ber stranên hunermendan têra dilê xwe govend gerand.
Herî dawî Komîteya Amadekar derket ser dikê û gel silav kir û ji bo beşdariya wan spasiyên xwe pêşkêş kir. Mîhrîcan bi çepik bi coş û peroşeke mezin bi dawî bû.
