Festîvala Girê Koxê ku ji aliyê Şaredariya Gimgimê ve tê organîzekirin, piştî 12 salan wê di 7-8-9ê Tebaxê de pêk were lidarxistin. Di mîhrîcanê de li kêleka çalakiyên xwezayî, çandî, hunerî û kargehên zarokan, wê cih bidin xebatên hişmendiya ekolojîk jî.
Festîvala Girê Koxê ku li navçeya Gimgimê ya Mûşê weke kevneşopî tê lidarxistin, piştî 12 salan wê di dîrokên 7-8-9ê Tebaxê de bê lidarxistin. Festîvala ku ji aliyê Şaredariya Gimgimê ve tê organîzekirin, armanc dike ku bi rêya xwezayî, çand, huner û kargehên zarokan nirxan bîne cem hev, piştevaniya civakî xurt bike, nasnameya herêmî bide der û hişmendiya ekolojîk ava bike.
Di çarçoveya mîhrîcanê de wê pirsgirêkên ekolojîk jî bibin rojev. Bi çalakiyên ku wê bêne organîzekirin re tê armanc kirin ku bala mirovan bikişînin ser pirsgirêkên hawirdorê, di vê qadê de hişmendiyê biafirînin û civakê li ser mijara ekolojiyê agahdar bikin.
Bernameya festivalê ya ku wê sê rojan berdewam bike bi vî rengî ye:
7ê Tebaxê
* Di saet 10:00an de Meşa Destpêkê
* Di saet 14:00an de gotûbêja “Texrîbata Xwezayê û Talana Ekolojîk”
* Di saet 15:00an de panela “Çareseriya Demokratîk a Pirsgirêka Kurd”
* Di saet 19:00an de Konserên Navdar Denîz, Firat Guneş û Dodan
8ê Tebaxê
* Di saet 15:00an de Xwendina Helbestan
* Di saet 16:00an de panela “Komar û Kurd”
* Di saet 17:30an de Şahiya Zarokan
* Di saet 20:00an de konserên Bîlge Rozeyy, Eylul Nazliez û Sîpan Xelat
9ê Tebaxê
* Di saet 10:00an de panela “Di 33 Saliya Xwe De 33 Can; Ronahiya Sêwazê Natemire”
* Di saet 14:00an de gotûbêja “Di Dîrokê De Cîhê Gimgimê”
* Di saet 16:00an de panela “Dengbêjî”
* Di saet 20:00an de konserên Mizgîn Tûran, Denîz Esmer û Serhado
Her wiha dê çarçoveya festîvalê de pêşangehên wêneyan jî bê danîn.
