*Roja ku AKP hatiye desthilatê heya îro her tim bi xizmetên kirine pesnê xwe dide. Li bakurê Kurdistanê bi taybetî jî li Şirnexê xizmetên ku AKPê pêk tîne hemû dibin mijarên rantê. Ji ber ku di her îhaleya tê kirin de navê rêveber û endamên AKPê derbas dibe û di nava civakê de ranta ku rêveber û endamên AKPê dixwazin her tim tê axaftin. Em ê hewl bidin fêhl û finazên rayedarên AKPê yên Şirnexê ji xwînerên xwe re parve bikin. Di destpêka dosyaya me de Şaredarê bajaroka Hîlalê ya navçeya Qilebanê ya Şirnexê Cevher Benek heye.
*Di ser Fermana 3yê Tebaxa 2014an a li ser civaka Êzîdî re ku ji aliyê çeteyên DAIŞê ve hatibû pêkanîn, 12 sal derbas bûn. Di serdemeke ku xetere û polîtîkayên li ser Şengalê berdewam dikin de, rola hêzên parastinê yên Şengalê YBŞ û YJŞê di aramiya herêmê û misogerkirina mafên siyasî yên Êzidiyan de bûye xala herî krîtîk. Di salvegera fermanê de Berdevkê Têkiliyên Derve yên YBŞê Hadî Aliyas destnîşan kir ku ava bûn û hebûna YBŞ û YJŞê rê li ber fermanên nû girtiye û wiha got: “Rizgarkirina axa Şengalê tê wateya hebûn û vîna gelê Êzidî. Çi êriş bêne ser civaka me, em hazir û amade ne û em ê soza fermandarên xwe yên şehîd bi cih bînin.”
*Hevserokê PYDê Xerîb Hiso anî ziman ku heke destkêftiyên jinan û ziman neyê qebûl kirin pêvajoya entegrasyonê nameşe û ew jî dê rawestînin. Xerîb Hiso da zanîn ku li ser sînorê Lubanê tevgerek heye û wiha got: “Li gor agahiyên me girtinê mudaxeleyek li wir heye lê dernakeve çapemeniyê.”
*58emîn Mîhrîcana Çand û Hunerê ya Şaredariya Tetwanê ku bi dirûşma ‘Li Tetwanê çand heye, huner heye, em hene’ tê lidarxistin, di roja 4emîn de berdewam dike. (13.00 – 22.00)
* Di pêşengtiya TJA, DBP Û DEM Partiyê de dê li Amed, Êlih Û Sêrtê qurbaniyên Komkujiya Şengalê bi daxuyaniyan bên bibîranîn. (16.00-20.00)
*Rêxistina DEM Partî ya Enqereyê dê bi boneya salvegera 12yemîn a komkujiya Şengalê li avahiya xwe bernameya bîranînê li dar bixe. (18.30)
*TJA û Meclîsa Jinan a Dem Partiyê dê bi boneya 12yemîn salvegara Qirkirina Jin û Êzidiyan li ber Navenda Çandê ya Turkan Saylan a Alsancakê daxuyaniyekê bide (19.00)
* Platforma Saziyên Demokratîk a Wanê dê li Kent Parki ya li navçeya Rêya Armûşê bi boneya salvegera Komkujiya Êzidiyan bernameya bîranînê li dar bixe. (19.00)
