Bi destpêkirina şerê di navbera Îsraîl-Amerîka û Îranê de, êrişên li ser herêma Kurdistanê û welatên cîran kêm nebûye. Di vê çarçoveyê de îro pêleke êrişa dronan li ser Herêma Kurdistanê, Siûdiye û Urdinê hate kirin.
Her çendê ev 4 roj be Amerîka êrişên li ser Îranê dabe sekinandin jî, Îranê jî ragihandibû ku heta ku Amerîka êrişên nû neke, Îranê jî êriş dane sekinandin. Lê îro bi dronan êrişî Herêma Kurdistan, Siûdiye û Urdinê hate kirin.
Li Herêma Kurdistanê êrişî navendeke ya Partiya Demikratîk a Kurdistan-Îranê (HDKÎ) a li Koye hate kirin. Ji aliyê heman partiyê ve êriş ji bo raya giştî ya cîhanê hate piştrastkirin.
Li aliyê din jî Wezareta Parastinê ya Siûdiye jî eşkere kir ku hejmarek êrişên dronan têk birine ku hewl didan avaniyên petrolê ya wî welatî bike armanc. Hate ragihandin ku komên çekdar ên Iraqî ku ser bi Îranê ve êriş pêk anîne.
Wezareta Navxwe ya Urdinê jî destnîşan kir ku hêzên parastina esmanî êrişa du dronan li Parêzgeha Kerek têk birine berî bigihêjin armanca xwe.
