Endamê PKKê Reşît Bozan (Mesût Erbay) ê ku di 16ê Tîrmeha 2006an de li navçeya Kercewsê ya Êlihê di encama çalakiyek fedaîde jiyana xwe ji dest dabû, li ser gora xwe hate bibîranîn.
Malbata gerîlayê PKKê Reşît Bozan (Masût Erbey) di 16ê Tîrmeha 2006an de li navçeya Kercewsê ya Êlihê di çalakiyek fefaîde jiyana xwe ji dest dabû li ser gora wî ew bi bîr anîn. Rêveber û endamên MEBYA-DERa Sêrtê, Parlamentera DEM Partiyê ya Sêrtê Sabahat Erdogan Saritaş, nunerên partiyên siyasî yên navend û navçeyê û gelek kes tev li bîranînê bûn. Di bîranînê de ji bo cangoriyên têkoşîna azadiya Kurdistanê deqîqeyek rêz hate girtin û piştî rêzgirtinê dirûşmeya “Şehîd namirin” berz kirin. Piştî xwendina dûayan qurnefîlan danîn ser gora wî.
‘Em ê têkoşîna bi serkeftinê tacîdar bikin’
Rêveberê MEBYA-DERê yê Sêrtê Bakî Taşçi di bîranînê de axivî û got: “Em bi saya têkoşîna van şehîdan hatine vê astê. Beriya niha dema ku gotineke bi Kurdî bihatana gotin mirov cezayê mirinê digirt in. Van lehengan bi têkoşîna xwe me anîne asteke herî bilind. Ji bo ku ew di gora xwe de rihet razên, em ê jî têkoşînê bi serkeftinê tacîdar bikin. Em ê bi şev û roj bixebitin da ku em mîrateya ku ji me re hiştine em bibin serkeftinê. Dema ku kesek negihêje heqîqetê nikarin di têkoşîna gelê xwe de canê xwe bide. Em di şexsiyeta hevalê xwe de hemû şehîdên şoreşê bi bîr tînin û bejna xwe li ber wan ditewînin. Şehîd namirin.”
‘Heta em dikarin em ê di riya wan de bimeşin’
Xwişka Reşît Bozan, Maşallah Erbay bi xêr hatina mêvanan kir, got ku her tim di xeyalên birayê wê de jiyaneke azad û Kurdistan hebûye û wiha axivî: “Her tim digot, ji min re qala gundan û erdnîgariya Kurdistanê bikin. Di xelayên wî de heqîqeta lêgerînê hebû. Hemû şehîd ji bo azadiya gelê Kurd têkoşiyan û gihîştin şehadetê. Ev asta ku Kurdistan di Rojhilata Navîn de hatiye naskirin, bi saya Rêber Apo û saya şehîdan e. Em di kesayeta wî de hemû şehîdan bi bîr tînin û soz didin heta em dikarin em ê di riya wan de bimeşin. Şehîd namirin.”
Bîranîn piştî qurnefîl danîn ser gorê bi dawî bû.
