Di nîvefînala Kûpaya Cîhanê de Îngilistan û Arjantîn hatin hemberî hev. Arjantînê Îngilistanê 2-1 têk bir û derket fînalê. Di fînalê de Îspanya û Arjantîn dê werin hemberî hev.
Kûpaya Cîhanê ya 2026an a ku bi mazûvaniya Kanada, Meksîka û Dewletên Yekbûyî yên Amerîkayê (DYA) tê lidarxistin ber bi dawiyê ve diçe. Fînalîsta yekemîn duh êvarê diyar bû, Îspanya di maça nîvefînalê de Fransayê bi skora 2-0 têk bir û derket fînalê.
Îngilistan û Arjantîn li Stada Mercedes-Benz a Atlanta Amerîkayê hatin hemberî hev. Maç di saet 22.00an de dest pê kir.
Di beşa yekemîn de her du tîm listîkek dijwar listîn. Di beşa yekemîn de her du tîm jî pozîsyon ne dît û beşa yekemîn 0-0 bi dawî bû.
Di beşa duyemîn de her du tîm jî bi awayekî xurt dest bi maçê kirin. Îngilistan di deqîqeya 55an de bi gola Anthony Gordon 1-0 pêş ket.
Piştî gola Îngilistanê Arjantîn zexta xwe zêdetir û pozîsyon ji dest xist. Di deqîqeya 85an de Enzo Fernandes gol avêt û skorê kir 1-1. Piştî golê Arjantîn zexta xwe berdewam kir û deqîqeya 90+2yan de Lautaro Martinez skorê kir 2-1. Asîsta her du golên Arjantînê jî Lionel Messî kir.
Îspanya û Arjantîn dê di 19ê Tîrmehê de ji bo kûpayê werin hemberî hev.
