Li şûna Senatorê Komarparêz Lîndsey Graham ê hevalbendiya Kurdan dikir û jiyana xwe ji dest da, xwîşka wî Darline Graham Nordone hate tayînkirin.
Senatorê Komarparêz ê Carolînaya Başur ê DYAyê Lîndsey Graham ê hevalbendiya Kurdan dikir çend roj berê jiyana xwe ji dest da. Bi valabûna cihê Graham Waliyê herêmê ji bo tayînkirina şûna senatorê komarparêz ket nava hewldanan.
Waliyê Carolînaya Başur ê Dewletên Yekbûyî yên Amerîkayê (DYA) Henry McMaster li şûna Senatorê Komarparêz Lîndsey Graham ê hevalbendiya Kurdan dikir û jiyana xwe ji dest daye xwîşka wî Darlîne Graham Nordone tayîn kir. Walî McMaster bi daxuyaniya çapemeniyê diyar kir ku ew li gorî qanûnên li eyaletê dikarin li şûna senator xwîşka wî tayîn bikin. Walî bi bîr xist ku erka senatora nû Darlîne Graham Nordone dê di meha çileyê de bi dawî bibe.
Biryara tayînkirina senatora nû piştî peyama Serokê DYAyê Donald Trump a ‘Dê ji Lîndsey re bibe rêzgirtina hêja’ parve kir, pêk hat. Tê payîn ku Darlîne Graham a 62 salî dê îro sond bixwe û dest bi erka xwe bike. Darlîne Graham Nordone di dîroka Carolînaya Başur de dê bibe yekem jina ku wek senator tê erkê.
