Li Êlihê di depoyek mezin a marketan de ku ji gelek marketên herêmî re kelûpelan dibe, şewat derket.
Li ser rêya Herêma Pîşesaziya ya Organîzeyê (OSB) ya Êlihê di depoyek mezin a belavkirina kelûpelên marketan de şewateke mezin derket. Şewat li dora saet di 02:45an de rû da. Nehate zanîn ku şewat ji ber çi derketiye.
Ji ber ku di demeke kurt de agir gur bû, tîmên Midûriyeta Agirkujiyê ya Şaredariya Êlihê, yên navçeyên derdorê û TOMAyên Midûriyeta Polîsan a Bajêr û Fermandariya Cendermeyan a Bajêr mudaxileyî agir kirin.
Şewata ku bûye sedema xesareke mezin hate vemirandin. Ji bo tespîtkirina sedema derketina şewatê lêkolîn hate destpêkirin û xebatên kontrolkirina tîman agirkujiyê derdora depoyê berdewam dike.
