Stenbol – Girtî Gurkan Turkoglû ev 3 meh bû li nexweşxaneyê dihate darmankirin, jiyana xwe ji dest da. Turkoglû li dijî tecrîd û girtîgehên weke tîpa ‘Bîrê’ 266 roj çalakiya greva birçîbûnê li dar xistibû.
Girtiyên bi navê Tahsîn Sagaltici, Gurkan Turkoglu û Huseyîn Ozen ku di Girtîgeha Ewlehiya Bilind a Antalyayê de li dijî tecrîd û girtîgehên ku weke ‘bîrê’ tên pênasekirin tîpên YGC, Y û Syê di nava berxwedanê de bûn. Tahsîn Sagaltici û Gurkan Turkoglu 266 roj û Huseyîn Ozen ê 57 salî jî 247 roj çalakiya birçîbûnê li dar xistibûn. Piştî 21ê Nîsanê daxwazên wan hatibû qebûlkirin dest ji çalakiyê berdan.
Gurkan Turkoglû ev 3 meh bû li Nexweşxaneya Bajêr a Antalyayê di rewşa awarteyê de dihat dermankirin. Rewşa Gurkan Turkoglû duh giran bûbû û rêveberiya girtîgehê malbata Turkoglû geriyabû û gotibû, “werin rewşa lawê we ne baş e, hûn dikarin wî bibinînin.”
Buroya Hiqûqê ya Gel li ser medyaya dîjîtal daxuyanî da û wiha got: “Miwekilê me Gurkan Turkoglû jiyana xwe ji dest da. Girtîgehên ‘Bîrê’ caneke din jî bir. Pêvojo bi mudaxileyeke zorê hat vê rewşê. Kujerên Gurkan Turkoglû Wezareta Dadê, Wezareta Tenduristiyê û desthilata ku birtîgehên ‘Bîrê’ înşa kirine ye. Gurkan Turkoglû nemir e.”
